學校模擬登高&親子賣旗日

媽咪睇番啲相，發覺原來10月份影既相唔多，咁一篇blog就可以寫晒10份既事，太好喇，haha～～～

10月4日(星期二)

呢日係幼稚園既模擬登高日，通告話，家長要著輕便服裝，地點就响學校。。。。初初諗極都唔明點樣可以响學校攪到摸擬登高呢？去到之後一睇。。。哦～～～～～原來係咁～～～～～

原來玩攀石就等於模擬登高。。。。wakakaka～～～～

另外仲有啲遊樂設施俾家長陪小朋友一齊玩。。。。
唔好以為皓皓玩得好開心，頭先呢幾張相只係假像。。。。。。
事關皓皓見到爸爸媽咪，以為我哋黎湊佢放學，點知玩咗一個圈，見我哋都唔帶佢走，就開始黎料喇～～

媽咪同皓皓講，係老師邀請爸爸媽咪黎陪佢玩一陣，其實未放學架～～～
聽到媽咪咁講，皓皓就一發不可收拾，喊住要媽咪抱。。。。。
唉～～～～果然好似老師所講，皓皓平時好乖，不過一見到爸爸媽咪就勁嗲，
老師都過黎安慰皓皓，只係。。。。响呢個moment，冇人攪得掂佢。。。。。
但係說也奇怪，到老師話要排隊去廁所然後番課室既時候，
皓皓喊住咁推開媽咪，行埋條隊度，喊住同媽咪講byebye，
皓皓唔捨得爸爸媽咪走，不過又知道响學校要守規則，真係好攪笑～～
呢張相係去完廁所排隊番課室嗰陣影既，只見皓皓好依依不捨咁搜索緊爸爸媽咪既蹤影。。。

 

其實家長唔係走架，只係行埋一邊，等佢哋入番課室之後，家長又會入埋課室同佢哋一齊食茶點，
皓皓一見媽咪入課室，又開始嗲喇。。。
你睇佢，又lur住要媽咪坐响佢側邊～～～

 

其他小朋友見到爸爸媽咪都係笑，只有皓皓係喊架咋，
佢咁嗲，下次黎觀課點算，黎唔黎好呀？
到時佢見到媽咪，喊到上唔到堂咪弊傢伙。。。。唉～～～



前排學校要求交一張嬰兒相，一張近照，原來用黎貼响壁報板上。。。。
大家認唔認得邊個係皓皓呢？？？



近照～～～响左下角，上次响奧海城度影既。

10月22日(星期六)

呢日媽咪報咗名參加親子賣旗，順便同佢解釋賣旗既意義同埋幫助別人既重要性。。。。當然太深既道理皓皓唔會明，但係大致上佢都知道賣旗係為咗幫人；所以呢日雖然媽咪放假都冇得瞓晏啲，但係都值得既～～～

賣旗日舉辦機構。。。。

機構要求將個紅色心形波波綁响旗袋或者小朋友既手腕度～～～

賣旗既時候媽咪唔得閒影相，到交旗袋嗰陣先影番幾張相留念～～～
所以個旗袋都幾重架。。。。。

皓皓算係咁喇，成朝賣旗都好合作，只係响香港仔賣緊旗既時候見到冒險樂園。。。。。
扭計要入去玩，媽咪見佢好想玩，就話只玩半個鐘，玩完要乖乖繼續賣旗～～～
皓皓應承，玩完亦都肯守諾言，算你啦～～

交旗袋＆剩餘物資。。。。



番屋企瞓個晏晝覺，夜晚就去同同事打邊爐，正～～～

同埸加映～～
10月份一啲雜錦相。。。。

繼續加油，寫到十一月喇～～～
十一月大事預告。。。。Bear Bear契爺結婚，皓皓要做花仔呀～～～～