12月17日(星期六）
上次咪話响聖誕聯歡會嗰陣，校長突然間叫小朋友上台表演既？其實，上次既表演可以係話為咗今次個遊藝會做綵排～～响遊藝會當日，每一班既小朋友都會負責表演一個節目；而皓皓嗰班，就係表演唱歌－－快樂笑笑喇！！
至於表演既服裝，就係呢日先至知，原來皓皓嗰班係著小丑服呀，好攪笑～～
入到場，遊藝會未開始，所有家長即刻搜尋自己仔女既蹤影，然後企晒响身同自己仔女影相，
皓皓坐得太前，距離太遠，唔好話影相，望都望唔到。。。。
到皓皓嗰班出場，媽咪終於見到皓皓喇！
你哋又搵到未呢？
呢。。。。企後排（右邊），戴玉色帽，擘大個口唱緊歌嗰個呢～～～
媽咪其實都有少少失望架，因為皓皓企後排，只係負責唱歌同fing個綵帶球，唔駛做動作。。。。
媽咪見呢排，皓皓响屋企都會將成首歌唱出黎兼且做晒表情動作，臨尾仲會成個跳起。。。
點知遊藝會前一晚，皓皓瞓覺嗰陣同媽咪講：老師話企响度嗰啲唔駛跳起架！
當時媽咪都不明所以，原來係咁。。。。。。唔知皓皓有冇唔開心呢？
媽咪諗，可能皓皓响學校表現太文靜太怕醜，所以老師安排佢企後排啦！
唔緊要啦！媽咪只係希望佢返學返得開心，
性格既嘢，好難話一變就變既～～～
遊藝會完，媽咪上前接皓皓。。。。
禮堂外留影～～
遊藝會完已經差唔多１點喇，即刻過銅鑼灣醫肚先～～
哈哈，爸爸媽咪又去佢哋至愛既壽司廣喇～～
朋友成日以為皓皓响呢啲地方冇嘢啱食，咁就錯晒喇。。。。
皓皓勁鍾意食壽司飯呀，烏冬呀，日本蒸蛋呀等等，其實佢會食得好飽，
所以呢，唔駛擔心，哈哈！
12月14日(星期三)
呢日係芬姨生日，爸爸接皓皓放學之後，就會合媽咪，同芬姨入屯門食海鮮慶祝，食完飯就去海港城影燈飾。海港城今年既佈置以toy story做主題，星期六日呢度都迫到水洩不通，呢日平日就人少少，所以就黎影番輯相～～
Happy birthday to芬姨～～
不過芬姨唔肯入鏡喎～～
椒鹽瀨尿蝦＆花竹蝦刺身，好正～～
心心至愛～～油鹽水花甲＆白灼花螺。。。
海鮮唔多啱皓皓食，所以嗌咗個伊麵同炒菜～～
食完飯過海港城影燈飾～～
皓皓响碼頭啲檔攤見到個angry bird閃燈棒，係都要扭計話買。。。。
卒之扭到芬姨買俾佢～～～
曳曳豬唔駛一個鐘就玩爛枝棒～～
影完時間都夜喇。。。。
再過埋1881影幾張相就返歸lu～～
某日去舅公屋企食飯响樓下影既～～
成蟲大哥？？
沒有留言:
張貼留言