愛車...愛唱歌～～

近排好鍾意開番個blog睇番啲舊日誌，睇番皓皓bb細個既樣同埋趣事，真係越睇越開心；但係另一方面，又發覺自己記性越黎越差，原來，好多生活片段自己已經唔記得，仲話等皓皓大個仔同佢分享番佢既童年趣事添，哈！好在．．．．

有呢啲舊日誌喚起自己既記憶～～～～諗到呢度，即刻令自己雄心壯志，要快快趣趣追番晒啲blog，希望得啦！

下一篇寫到平安夜喇，好快就可以寫完12月份既blog喇，yea~~
次次都寫啲過氣blog，今篇俾啲update啲既嘢大家睇住先～～

２月６日（星期一）
尋日係元宵佳節，我哋全家都唔舒服，爸爸媽咪睇完醫生食完晚飯，就買啲湯圓番屋企同皓皓一齊食應吓節～～

祝大家元宵節快樂！一家團圓，甜甜蜜蜜！

又講吓皓皓既近況先～～
＠＠番咗學四個幾月，仍然係怕醜仔一個，但係番到屋企就超級百厭，尋晚先至玩到由張床跌咗落地，俾佢嚇死；又嗲喎，少少事都喊到劏豬咁，好似上次玩包包超人電動車失平衡，個人打側跌落地，其實一啲都唔痛，佢都要喊好耐，仲話自己嬲咗架包包超人電動車，唔要佢咁話喎．．．．然後係都要嫲嫲將架車掉咗去。爸爸媽咪番到屋企，見架車响門口已經覺得好奇怪，原來係咁．．．．同佢講吓道理之後，皓皓就話：算啦！我俾次機會佢啦，要番佢啦！
真係俾佢笑死～～

＠＠仍然係咁鍾意車，直係超級車迷．．．．

每日放工都見到咁既景象．．．．將佢心愛既車仔排晒响床頭．．．．
除咗鍾意玩車，連玩ipad都鍾意一啲駕駛同泊車既game，仲要玩得好叻(對媽咪黎講)，有片為證：

咁多GAME，媽咪比較鍾意皓皓玩泊車，一來可以訓練手眼協調，二來又訓練佢左右手一齊用，
只要唔係成日玩，都幾好呃！

＠＠自從番咗學之後，比以前更加鍾意唱歌，除咗兒歌，連流行曲都啱....
好！俾大家玩吓超級無敵估歌仔先～～
估唔估到呀，開估喇好冇？































係咪好投入呢？成個小粉絲咁呀～～～