High Tea @ The Ritz Carlton Hong Kong

7月25日(星期三)

7月17號，媽咪開始放第二輪既大假，呢個星期送上一個十號風球，放大假先黎打風，蝕假不特止，仲要大風大雨冇得出街玩，so poor！呢日十號波雖然走咗，但係仍然有幾陣大雨，戶外活動就唔駛諗，冇嘜嘢做，見芬姨佢約咗啲同事响The Ritz Carlton 食high tea，於是乎我哋又book張枱食埋一份。



＠The Lounge & Bar

賣點：102nd鳥瞰維港美景，可惜．．．．．落大雨，搞到白濛濛一片～～
好似話上Sky 100觀景台都要收百幾蚊一個人，咁不如上呢度食tea，順便睇埋景啦！

不過呢張枱其實唔係我哋既，而係芬姨同佢啲同事坐既枱，我哋只不過走過去影吓相．．．．．

因為我哋太遲book喇，已經冇晒對窗既位置．．．．．
只可以坐埋面啲位，不過都望到海既～～

裝潢同環境都唔錯，仲冇現場演奏，幾好feel～～

 

至於嘢食呢．．．．．．
tea set for 2～～成五百蚊～～

價錢唔平，但係食物真係好麻麻～～
上層鹹點：唔好食．．．．
下面兩層甜點：仲難食，甜到呢．．．．頂唔順！

連心心表姐咁鍾意食甜點既人都唔吼，可想而知．．．．
最初諗住order多個1人份量既set俾心心表姐，好彩hold住未嗌，話食完呢set先再叫咋．．．．
事實上係，我哋連呢盤嘢都食唔晒～～

失望！媽咪同心心表姐不約而同，都好掛住半島個high tea，實在好食好多好多好多好多．．．．
上次皓皓都好鍾意食，今次就只係lam下啲朱古力．．．．．．

如無意外，應該唔會黎第二次喇！



＠ Elements～～

呢期商場主題：PAPINEE Animalia～～墨西哥猴子！

肯亞獅子～～

發現有嘢玩．．．．．

越拍越興奮，直情唔想走～～

最得意呢隻英國貓頭鷹～～

日本貓猫～～



今年大假分咗三輪時間放，七月頭放完第一輪，high tea日後放完第二輪，兩輪假期都冇嘜搞作，一係落雨，一係天氣又熱，去得最多既．．．．．．
睇吓啲相，就唔駛講都知係邊度喇～～

有冷氣唔駛熱．．．．．

阿仔有得玩我又有得攤抖既地方．．．．．．
非波波池莫屬～～
呢間平時仲要冇人玩，等於包場～～

皓皓唔夠手力，次次坐上去轉一兩個圈就跌落黎～～

黃埔呢間既波波池迷宮都擴充咗．．．．．

依家多咗嘢玩～～

呢間既波波池就高好多，所以要跟住皓皓，唔可以由得皓皓自己爬到好高。
好彩，有兩個表姐幫手看住皓皓．．．．．
如果唔係，媽咪實追到斷氣～～

最鍾意玩呢架車，因為呢架有腳踏踩～～

如果唔係曬，都會同皓皓落公園餵吓魚魚、踢吓波波、玩吓泡泡咁．．．．．

呢啲放假生活真係夠晒寫意，不過好似唔係好覺放過假咁．．．．．

媽咪諗，最三輪既大假應該最有放假feel喇！事關第三輪放假就係哋一年一度既暑假旅行！
今年要等到八月至可以去旅行，真係等到頸都長埋！而家．．．．．真係超級期待架呢！