今日去到婆婆屋企仍然流緊口水(請注意右咀角位),點解?咪就因為頭先爸爸媽咪食果餐非常豐富既lunch囉!
睇吓!佢地幾肥美!自從爸爸媽咪第一次食完呢間日本料理,就深深地愛上咗佢。真係多得7豬丈唔少,因為係7豬丈介紹爸爸媽咪食既。
7豬丈,你聽唔聽倒呀?真係多得你唔少呀!攪到爸爸媽咪成日要破財。
d壽司好似好吸引喎!
我都有d想食添!
真係慘,齋睇冇得食,唉!冇陰公!
大人真係好,嘜都食得。我除咗奶奶、粥仔、魚、白飯、麵包、蘋果蓉,就冇野食得。
(阿b,其實已經算好多架la!媽咪對你算係咁la!)
平時牙仔痕,(阿b,你都未有牙)除咗食拳頭仔,就只有食吓.....
好好味!
你哋食唔食?
試吓打直擺落口先!
ur--差d哽親!
佢除咗係我好朋友,仲係我既食物。
我最鍾意咬佢個咀。
搵到野食,正!
咪就係厠紙囉!正!好有厠紙味!
(說時遲,那時快,媽咪以0.9秒時間搶番)
媽咪,做咩事唔俾我食啫?
唔准食, 俾琪琪auntie食先 你今日睇黎好乖喎!!!!
回覆刪除[版主回覆11/05/2008 12:18:00]琪琪ee , 我個樣呃得吓人架 , 人人都話乖架 。 不過當有外人、响屋企既時候 ...... hehe
皓皓阿媽, 阿健嫂,
回覆刪除自己鍾意食嘢, 唔好賴人 !
如果唔係得我介紹您黎呢度,
而家點只 160 幾磅 ?
破少少財有 ......... 所謂 !
仲有, 我不是 7豬丈 !
是心心, 詩詩 (皓皓表姐) 的爸爸靚仔 !
明白有冇 ! 各位看官 !
[版主回覆11/06/2008 09:27:00]今朝飲完餐奶係咁嘔奶,媽咪話唔知點解。其實咪就係因為媽咪一路睇我個blog一路餵我飲奶囉!大佬!7豬丈响大庭廣眾稱呼自己做「爸爸 Ñ Ñ 」(嗰兩個字真係唔好意思講出口),點支持得住呀!