軒軒表哥生日會

8月9日(星期日)

今日係軒軒表哥仔牛一既大日子，標標舅父同Ling Ling舅母準備咗一個小型既生日會

　　　

　　　４歲喇，軒軒表哥，大個仔啦！

雖然話係小型，但其實都好多嘢食架！

 

 

媽咪送咗份軒軒表哥最鍾意既Thomas車作為禮物，由我皓皓bb代媽咪送，不過個送禮過程有啲阻滯．．．．

　

　

切生日蛋糕時間．．．．

       

 

靄婷表姐、BoBo表姐、康莉表姐、紹鋒表哥送俾軒軒表哥既Thomas生日蛋糕。

       

     係咪唔捨得食咗塊Thomas呀，軒軒表哥？

兩老表雖然成日爭玩具，不過眼神幾一致喎！

 

  一齊望住蛋糕．．．．

 

  一齊唔望鏡頭，仲要好似夾定咁一個望左一個望右。

皓皓bb係唔鍾意食生日蛋糕，媽咪不嬲都知，但係而家佢對蛋糕既厭惡程度似乎又再升級．．．．

  

   初時以為有正嘢食．．．．

  

   擺咗落口，面容開始有啲扭曲．．．．

  

   想lur番舊蛋糕出黎．．．．

   

   條脷越伸越長，仲想lam媽咪塊面．．．．

   務求擺脫舊蛋糕，阿b你竟然不擇手段？

軒軒表哥即時拆Thomas玩具車玩

 

  似乎幾鍾意喎！

       

        阿b知道自己爭唔嬴．．．．

       

        唯有同表姐玩波波．．．．

       

        仲想學人將個波拋黎拋去．．．． 

 

  好彩都玩得好開心，冇夾硬要搶表哥架車車！

生日會完咗，同爸爸去買波衫，有冇我份？緊有啦！遲啲著俾大家睇！芬姨見我買，佢又即刻買一件一模一樣既，話要同我著情侶裝喎！

       

    近排勁鍾意做倒豎葱(又係模倣葡萄適廣告)

    竟然响人哋間鋪頭入面係咁做

       

阿b上面兩隻門牙都出緊喇，平時唔多肯俾人睇，而家做倒豎葱就依稀見到喇！(似足爸爸，上面兩隻門牙超大隻）

番到屋企，媽咪突然想攞番上年軒軒表哥生日會啲相出黎睇，發現．．．．

皓皓bb、軒軒表哥同心心表姐都大個咗好多呀！時間過得真係快，嗰陣阿b仲係４個月咋，成舊粉團咁，嘜都唔識，而家已經同軒軒表哥爭嘢玩．．．．

再遲啲，就要改口，唔可以再嗌佢bb喇！到時媽咪就會好懷念皓皓仲係bb既日子喇，突然有啲想阿b唔好大得咁快．．．．