My Dream

8月8日(星期六)

一人有一個夢想，不過媽咪比較貪心，佢有好多夢想，而其中一個就係。。。。

       

        希望我皓皓bb識彈琴，仲要彈得好叻。。。

   

    冇辦法啦！媽咪自己實現唔到，唯有將希望寄託响我身上啦！

    仲有佢總覺得識彈琴既男孩子係「酷」到不得了．．．．

   

    但係爸爸成日話，我皓皓bb未必鍾意彈琴喎．．．．

   

    唔好迫我學啲我唔鍾意既嘢．．．．

       

        媽咪就話，唔學又點知我皓皓bb鍾唔鍾意呢？

       

        唔通樣樣都要等我表示鍾意先去學咩？

       

 媽咪亦都承諾，如果有一日我皓皓bb開聲話唔想學。。。

 佢就唔會再迫我架喇！

       

        如果有一日阿b自彈自唱一首歌送俾媽咪．．．．

        媽咪肯定感動屎！

   

    媽咪，呢鋪我撐硬你呀！

    你既夢想，就等於我皓皓bb既夢想。。。。。

   

    操完琴，食個橙潤潤喉先！

    嫲嫲慣咗成個橙俾阿b食，阿b亦慣咗咁樣食。。。

       

        跟住我哋去咗軒軒表哥屋企個會所玩。

       

        因為豬流感既關係，會所冇晒玩具．．．．

       

　　改成為一個圖書閣。。。

       

        但係阿b只係行黎行去，都覺得好開心！    

       

        加上有佢鍾意玩既「過三關」．．．．

       

        又或者踎底玩吓個地板，已足以令佢樂而忘返。

   

    見心心、詩詩表姐玩緊呢個「射龍門」遊戲．．．．

   

    佢又要爬上去攪攪震．．．．

   

    玩完會所，就上咗軒軒表哥仔屋企搗亂．．．．

       

     我倒晒軒軒表哥仔心愛既Thomas車車出黎玩．．．．

     攪到佢勁無奈囉，hahahaha！

     唔好意思呀軒軒表哥仔！

     最多叫媽咪响你聽日既生日送份大禮物俾你補番數啦！

     送啲咩？聽日你咪知囉！