8月21日(星期五)
今日爸爸媽咪繼續係放假。。。。
炎炎夏日,除咗開冷氣瞓覺、行吓商場之外,仲有嘜嘢好做?緊係享受吓陽光與海灘啦!不過sorry,因為我皓皓bb驚沙既緣故,爸爸媽咪海灘就去唔成,唯有去....
冇沙但係有水游既泳池啦!
雖然冇海灘咁好feel,不過呢度都好靚架!
仲估唔到游水都有得扭呔盤,實在太開心喇!
點解男孩子用hello kitty水泡?er........er.......其實唔關我事
係....係媽咪自己鍾意,夾硬買俾我之嘛!
註:實情係阿b自己極度迷上hello kitty........
阿b最初落水都有啲驚,真係估佢唔到,有時就非常大膽,做啲好危險既曳曳動作都唔驚,但有時又細膽到死。。。。不過好彩,warm up咗之後,阿b都玩得好開心,後尾去成人池嗰邊,佢仲好嘆咁挨响個水泡度俾媽咪同爸爸推佢游黎游去。。。。
浸响池裏面係咪睇唔清楚我個包包超人泳衣look呢?咁。。。。。
等我俾個全相大家睇。。。。
呢件泳衣係軒軒表哥仔俾我架!
其實仲有頂泳帽架!不過爸爸話....戴咗好似cam cam地....
咁我緊係即除啦!我係一個雄糾糾既男仔黎架嘛!
原本,媽咪仲有一件架生會帶埋去泳池,就係....
呢件史迪仔浴袍!
係上次入Disneyland玩既時候買架!
不過因為我極度抗拒著呢件袍,所以媽咪都費鬼事帶埋去。
有幾抗拒?
大家睇吓下面啲相就知....
面容扭曲,係要撲去媽咪度要媽咪幫佢除咗去....
玩埋今日,爸爸聽日又要番工喇,要等下個禮拜先可以一家人一齊去玩lu!
沒有留言:
張貼留言