一樣的節目，不一樣的快樂！

8月22日(星期六)&8月23日(星期日)

禮拜六、日，媽咪放假爸爸番工，呢啲日子，通常媽咪唔會同我安排啲嘜嘢特別節目，只會去吓公公婆婆屋企玩、去有冷氣既地方行吓街街、陪心心表姐佢哋玩吓咁囉！不過隨住皓皓b越黎越大個仔、識得越黎越多嘢，即使係一樣既節目，都帶俾佢不一樣既歡樂．．．．

 

好似呢日，飲完茶之後去永安睇玩具，阿b行黎行去、睇吓摸吓，已經覺得超級興奮！

 

  好似對個bb公仔好有興趣，睇到眼甘甘．．．．

 

  又响度咿咿呀呀，究竟阿b你想同媽咪講嘜嘢呀？

 

  見到hello kitty，即刻撲埋去！

         

          見到部電子琴就若有所思咁．．．．

         

         唔知係咪諗咁自己屋企都有一部呢？

　 　

阿b唔係好扭買玩具，但係見到扭蛋機，就賴死唔肯走，誓要你扭一隻俾佢為止．．．．

         

軒軒表哥仔：阿b，你冇入錢錢，啲蛋唔會自己碌出黎架！  

 

跟住去Elements shopping，同媽咪試衫，見到四面都係鏡．．．．

         

          又興奮到手指指！

 

  估唔到fitting room都可以俾到歡樂阿 b！

 

  買完衫諗住去Three Sixty俾阿b坐車車．．．．

 

  點知所有車車都有細路仔坐緊，阿b冇得玩！

 

  不過見到有咁多嘢食買，阿b一樣興奮！

 

星期日就陪心心表姐去冒險樂園玩．．．．

心心表姐發夢都掛住去呢間冒險樂園，因為呢度好多小型機動遊戲玩，仲有個超級大既波波池．．．．宜家心心表姐就玩緊小型海盜船！

 

  大個仔咗既阿b，宜家黎到呢度都唔執輸．．．．

 

  樣樣嘢都爭住要玩，坐完呢列火車仲唔肯落車添！

 

  同媽咪影幅相先啦，阿b！

 

  弊傢伙！呢度咁多扭蛋機．．．．

 

今次扭一隻蛋俾佢都唔肯走，係要架架機扭吓啲掣、摷吓有冇蛋執

以前同阿b行玩具店、玩冒險樂園，感覺上佢冇話特別興奮，但近呢幾個月去呢啲地方，見到好多嘢想講，亦識得示意俾媽咪知有啲嘜嘢係佢好想要既！明顯地見佢係開心好多，可能係大個仔咗，開始識領略箇中既樂趣喇！