皓皓bb唔止餵食，其實仲好爛玩，不過出到街，啲人總係會讚佢又文靜又乖，所以媽咪成日都話，皓皓bb啲戲．．．．真係拍得住劉華架！
呢日去到Toys"R"Us，阿b直情想反轉人哋間鋪咁滯
喂！媽咪，埋黎睇埋黎揀呀！呢度好多波波呀！
５０蚊有找，抵呀！
買幾多個啫，媽咪？
吓？貴？一個都唔買？
咁．．．．買呢個槌仔俾我啦．．．．
咁大碌都係 $ 49.9咋！
咁都唔買俾我，孤寒！
淨係响買波波既呢一個角落，媽咪已經攰到屎，何解？媽咪一路執番啲波上架，阿b一路將佢哋撥番晒落地。如果媽咪唔係不斷重複呢個動作，睇怕地下最少有幾十個波．．．．
跟住又走去試玩呢部腳踏機．．．．
都幾好玩既，最衰咁大件，如果唔係媽咪都會買俾你既，阿b！
坐吓Pooh Pooh搖搖馬．．．．
再自己推住架車仔橫衝直撞．．．．
去完Toys"R"Us，意猶未盡，又去冒險樂園坐車車！
玩到攰諗住走，點知途經麵包店，又扭爸爸爸媽咪買包包食同買嘢飲。
阿b雖然餵食，但係佢都算幾慷慨，有啲咩都會隊俾媽咪食一兩啖．．．．點知呢日飲橙汁，俾媽咪飲一啖都唔制，唔通佢真係好鍾意呢隻橙汁？
又一餵食罪證～～搶媽咪枝雪條食．．．．
註：攝於婆婆屋企，但好彩冇俾婆婆發現，如果唔係實俾婆婆鬧。不過唔係鬧我．．．．係鬧媽咪，hahaha！
另一罪證～～扮乖！
攝於D-Mop，本來阿b又除鞋，又爬黎爬去，仲推晒人哋啲cushion落地．．．．點知sale姐姐行埋黎同佢傾計之後，佢就好斯文咁坐响度望住人哋笑
阿b，媽咪都話你好戲架啦！
貪玩豬阿b，個頭枕落個彈彈波度扮晒好舒服咁樣．．．．
仲得戚咁左右搖擺咁俾媽咪影相，結果．．．．
失平衡碌咗落地，四腳朝天，然後喊到拆天！
阿b，對唔住呀！媽咪接你唔住．．．．不過，你自己又確實係太曳曳喇！
沒有留言:
張貼留言