心心表姐~~9歲喇喂！

九月十二日(星期六)~~續

首先，皓皓bb要响呢度同心心表姐講聲：

Happy Birthday

上次個blog講到我同媽咪出街買完禮物同蛋糕，就返屋企等芬姨同心心表姐入黎，等到佢哋黎到都已經成七點lu！再等埋爸爸放工買壽司番黎，就開始我哋呢個五人party喇！

爸爸買壽司未番，我哋就影住相先啦！

阿b鍾意嘜都跟住心心表姐，見心心表姐戴公主帽，佢又戴！

影影吓相想跣落地玩！

心心表姐三扒兩撥，就有好似麻鷹捉雞仔咁挾住阿b．．．．

跟住阿b好古惑咁啤住表姐，唔知佢諗緊嘜？？

應芬姨既要求，幫阿b換件波衫同佢影情侶裝。

芬姨，夠膽就買埋條波褲同我情侶裝呃，hahaha！

媽咪話你夠膽既，送俾你又點話？

驚阿b眼瞓，所以切咗蛋糕先．．．．

米妮係爸爸送既，藍色花紙呢份就媽咪送既！

未拆禮物，心心表姐已經好興奮．．．．

因為佢好鍾意隻米妮．．．．

拆完禮物，又影張相先！

９歲蠟燭係芬姨專登放工去買架！

切埋蛋糕，攪掂！

話說剛才心心表姐唔等我哋唱生日歌就吹熄咗枝蠟燭！

阿b冇份吹．．．．

跟住佢渣住枝蠟燭，若有所思。。。。

一臉迷惘。。。。。。

疑惑。。。。。

又帶點古惑。。

究竟阿b想點？

'bu..........bu........bu.........'原來阿b想學心心表姐咁吹蠟燭。

疑惑～～大概係因為唔明堆火去咗邊呱！

然後仲係咁一面推枝蠟燭俾我哋，一面發出'bu.....bu...'聲

應該係示意我哋幫佢點番著堆火。。。。

笑到我哋趴咗响度。。。

本來呢張响星期日影既相唔打算响呢篇blog度 post，但係媽咪覺得太好笑喇，

所以都忍唔住俾大家睇咗先！

話說星期日媽咪想食埋淨番嗰舊生日蛋糕，

一向唔鍾意食蛋糕既阿b係都要搶，

但佢唔係搶黎食。。。

係搶黎'吹'～～

佢舉起舊蛋糕起勢咁'bu..........bu........bu.........'