未有bb之前,媽咪成日幻想自己會生個小女孩~~仲要係好可愛好可愛嗰隻!再幻想吓可以成日同佢扮靚、紥吓辮仔,佢又會好嬌滴滴咁周時痴住媽咪,諗吓諗吓都會好開心!
有咗阿b之後,知道係男仔,原來又冇想像中咁失望喎!到阿b出咗世,發覺男仔都唔錯呃!起碼幫媽咪慳番唔少置裝費,同埋慳番媽咪幫佢打扮既時間,最重要係....原來男仔都可以好嗲、好痴媽咪、好可愛架!
有次响blog度見到人哋幫囡囡化粧,成個洋娃娃咁呀!心血來潮~~我個仔成日都俾人話「個樣好男仔」、「好man」呀咁,唔知扮女仔又會點樣呢?好~~~一於攪攪佢先!
登登登登
皓皓b女出場
爸爸睇完,話接受唔到喎
但係媽咪有啲朋友睇完,話好似女仔
阿b,唔好意思呀!媽咪將原本雄糾糾既你變成一個女孩子
好喇!玩完,講番正經嘢。啱啱過咗既禮拜六、日,冇嘜特別嘢,星期六就同哈哈爸爸慶祝生日,禮拜日心心詩詩表姐去鑽石山探佢哋既爺爺嫲嫲,7豬丈(註:即心心詩詩表姐既爸爸)竟然帶埋阿b去....按7豬丈既描述,阿b响佢哋屋企玩到....喪顛!人哋都忍唔住講咗句:你嫲嫲平時湊你真係好辛苦!唉!阿b,你攪嘜呀?失禮屎人喇!
九月十九日&二十日
每朝起身,如果阿b肯响張床度玩吓,或者碌黎碌去,爸爸媽咪就覺得簡直係恩賜....
媽咪覺得阿b瞓醒個樣好可愛!
尤其是佢心情靚既時候....
佢會好溫柔、好溫柔咁連續嗌媽媽或者爸爸~~
甜到漏
不過呢啲時間通常唔會長,佢會好快開始'lur'落地玩,
或者係要你起身陪佢出廳玩
星期六夜晚去稻香打邊爐同哈哈爸慶祝生日,阿b又有機會見到哈哈哥哥喇!
兩個豆靚好似ok friend喎!
星期日,例牌出九龍公公婆婆度..
呢日行程:奧海城食lunch→鑽石山(心心表姐既爺爺嫲嫲屋企)→公公婆婆屋企
出門喇!
奧海城附近既平台花園
唔想影相,越叫越走
去完鑽石山,搭地鐵番公公婆婆屋企。
阿b,做嘜含情脈脈咁望住7豬丈?
一本正經咁渣住扶手..
好似好大個仔咁。
媽咪响鑽石山行街街嗰陣買咗個燈籠俾阿b。
不過sorry 呀,阿b,又係hello kitty呀
下個禮拜就係中秋節,爸爸媽咪都想同阿b你出去玩吓,不過去邊?仲未知喎!等我哋諗諗先!
沒有留言:
張貼留言