約定

九月二十六日（星期六）

記得嗰次去中間道公園玩，媽咪見到阿b玩得好開心，仲玩到唔捨得走，媽咪當時就同阿b有個小小既約定～～就係媽咪放假既日子，會盡量同阿b去多啲公園玩，或者落樓下商場坐吓車仔、扭吓扭蛋機咁．．．

今日媽咪放假，但見出面可以曬到人哋溶既太陽，都咪話唔驚！點算？突然諗起哈哈媽既好介紹～～一個就算日曬雨淋都可以玩得好盡情既室內遊樂場。反正媽咪已經講話去都講咗幾次，好啦！一於今日付諸行動啦！

玩之前既指定動作～～醫肚！

唔係既話陣間邊豎有力氣玩！

呢度就係媽咪所講既playtown喇！

真係好多嘢玩喎！

車仔好搶手，見有位就即坐

阿b好似坐呢架無蓋既興奮啲喎！

唔通佢知道坐呢架型仔啲？

呢舊嘢都唔錯．．．．

可以訓練吓bb手眼協調，之不過．．．．

阿b好似冇嘜耐性喎。你哋睇吓！唔駛一陣佢就攪第二樣玩具。

講到阿b最鍾意玩既環節．．．．

就非玩波波莫屬了！

呢度佢玩到媽咪抱都唔肯走。

雖然呢豎都係有好多波波．．．．

但係可能係第一次玩咁多波既波波池，

加上坐低咗爬唔番起身．．．．

阿b好似有啲啲驚！果然係細膽既老鼠仔！

不過玩呢個又唔見佢細膽．．．

呢舊嘢搖黎搖去．．．．

佢成個人企上去側埋一邊都唔驚喎，仲笑添！

不過落地嗰刻就失足pk

好彩媽咪影得切之餘都扶得切啫

阿b係咁爬黎爬去，媽咪就死跟，攰到咩！

見到汽水機，阿b又係咁拍！

佢緊係以為拍拍吓就有嘢跌落黎俾佢飲！

跟住攤開隻手仔，向媽咪示意：冇既？

好彩媽咪自備咗一包維他奶奶。

卒之阿b玩咗一粒鐘，媽咪跟到斷氣咁滯．．．．

玩完playtown，我哋就去銅鑼灣買大閘蟹，跟住join埋芬姨同心心表姐，然後就返屋企開餐喇！去開銅鑼灣，爸爸媽咪又不自覺咁行咗入一間鋪頭．．．．

呢間就係媽咪幫襯開買包包超人既鋪頭．．．

阿b一黎到，就眼睛發亮．．．．

媽咪，呢架包包超人購物車好鍾意我呀！

佢係都要跟住我．．．．

結果跟埋我番屋企添！