南丫島半日遊

九月五日(星期六)

今日爸爸放假，但係佢要瞓覺喎．．．咁無計啦，朝早唯有同媽咪落公園玩吓先，等爸爸起身先決定去邊豎玩啦．．

         

          第一件事緊係玩我既至愛～～轉珠仔啦！

         

         好耐冇玩喇，玩番夠本先！

         

          呢排愛上咗玩上落樓梯．．．．

         

          媽咪，我唔駛你扶喎！我大個仔喇！

   

    每次經過樓下信箱都要掂吓摸吓至肯走．．．．

去完公園番上樓，媽咪就同我洗白白，跟住飲奶瞓一陣覺．．．．瞓醒之後，爸爸媽咪都有咗決定喇，就係．．．．

   

    去南丫島嘆海鮮啦！

    以前爸爸媽咪成日去，但係我出世之後就未去過。

 

上次去長洲坐一粒鐘船都冇問題，今次半粒鐘濕碎啦！更何況．．．．

媽咪買咗包蝦條俾我上船食，緊係唔會扭計啦！        

       

         去到第一時間搵間海鮮鋪開餐．．．．

       

        椒鹽瀨尿蝦！正呀！可惜我冇份食．．．． 

 

  飯就有我份，不過我都食得好開心！　

       

        如果坐出面食，可以一路嘆一路睇住個海，幾正！

        不過我哋都係鍾意冷氣多啲，所以我哋揀咗坐鋪頭裏面。

 

  咩事睇到眼定定？就係天花板有成十把風扇响度轉緊！

  你哋知啦，我皓皓bb最鍾意轉既嘢架嘛！

       

        食完嘢就四周圍行吓．．．．

 

  媽咪仲買咗個風車俾我，好好玩呀！

       

        點解個眼神咁期待？因為我等緊啲嘢．．．．

       

        就係等爸爸吹啲bubble出黎．．．．

       

        個bubble痴住地下，等我用手指仔篤穿佢先！

 

近排媽咪樂此不疲咁同我玩吹泡泡，因為每次玩，我都會嗌'bubble.....bubble'，媽咪話好鍾意聽我講呢個英文字，講得好得意咁話喎．．．．

九月六日(星期日)

今日媽咪例牌同我去公公婆婆度玩。。。。

 

  去酒樓飲茶。。。。

 

  曳曳bb，食食吓企响張櫈度。。。。

 

    仲要又玩水又玩筷子。。。。

 

  阿b心諗：平時坐的士都係坐後面，點解今日有得坐前面架呢？

註：多謝表姐表哥們既爸爸既襄助，令阿b一圓坐司機位既心願。

 

阿b：咦？真既呔盤手感係唔同啲架喎！