2月26日(星期六)
之前提過,皓皓係一個超級車迷,尤其係電單車,佢真係喪鍾意。响街度見到m記呀、肯德基呀、板長呀、pizza hut呀既外賣速遞電單車,佢會駐足欣賞,甚至會叫媽咪抱佢坐上去;最近,佢仲要求爸爸媽咪買個頭盔俾佢,俾佢做電單車哥哥....
媽咪見佢鍾意得咁交關,所以呢日趁爸爸放假,就去玩具反斗城諗住買一個俾佢,點知....皓皓個頭太大,搵勻全間鋪,幾乎冇一個小童頭盔啱戴,笑爆咀!
呢日行程緊密,我哋先去壽司廣嘆個lunch!
再行去海運,咁啱又有展銷,皓皓睇車睇到唔想走~~
當然又要求坐上去扭吓呔盤過吓手癮....
跟住黎到玩具反斗城~~
唯一一個笠得落既小童頭盔,其餘全部唔啱戴...
皓皓,因嘜解救你個頭大成咁??
唯一一頂啱既頭盔款式麻麻,結果冇買...
再跟住去咗Elements既公園玩~~
又渣車車~~
詩詩表姐陪玩搖搖板~~
呢日心心表姐掛住响公園喪跑,竟然遺忘咗皓皓,
反而詩詩表姐全程陪住皓皓玩~~
玩得勁興奮!
以前行呢啲網都有啲驚,而家?
一路行一路say個 hi都仲得!
一個碌波波既玩意,終於號召到四個細路坐埋一齊玩。
補充體力~~皓皓至愛既提子汁!
大個仔咗,開始同軒軒表哥溝通到,所以大家既交流都多咗~
呢個氹氹轉好好玩,由兩個人負責踩單車令氹氹轉郁動;
而家軒軒同皓皓坐緊負責踩車既位置,
其餘既人只係齋坐...
你哋睇,軒軒表哥最初踩得幾輕鬆!
越踩越攰,氹氹轉開始以龜速轉動....
後面啲人悶到冇晒表情...
軒軒:皓皓,你幫手踩吓得唔得呀?我冇力喇!
皓皓:表哥,我都唔想咁架!我隻腳唔夠長呀!
玩完公園,上軒軒表哥屋企玩咗一陣...
然之後番屋企瞓咗一陣覺,
瞓醒又出動去出席烏蠅契爺既媽咪既壽宴~~
食完壽宴,喬契爺話俾我皓皓bb渣電單車喎,
好開心呀!借喬契爺個頭盔戴吓先....
吓??個size竟然啱啱好??唔係卦??
yeah!!試車喇~~~
我型唔型呀?劉唔劉華呀?
三個電車男~~皓皓、哈哈哥哥&哈哈爸爸!
呢日皓皓超開心,玩咗成日不特止,
仲可以真真正正咁做一次~~
電單車哥哥!
話說皓皓太想戴頭盔渣電單車,
但係爸爸媽咪又買唔到,佢唯有...
响屋企是但笠頂帽扮戴頭盔,
佢仲要一戴頭盔就麥當當哥哥上身,
問爸爸媽咪:要唔要薯條呀?
要唔要魚柳包呀?茄汁呀?
仲要媽咪攞手機扮打麥麥送電話...
當媽咪話唔知麥麥送幾多號電話既時候,
皓皓就會好大聲講:23382338~~
笑死我哋喇!
好快就做車神了
回覆刪除[版主回覆03/23/2011 12:32:00]同森仔一樣,佢哋應該好啱key~~
so wanna eat壽司廣.....
回覆刪除[版主回覆03/28/2011 18:22:00]你要忍口喎~~
勁呀, 咁細個人揸咁大架車, 型呀!
回覆刪除[版主回覆03/28/2011 18:17:00]不過如果大個真係揸又唔係咁好喇~~