3月20日(星期日)
呢日原本約咗响一個舊同學既屋企BBQ,不過因為天氣潮濕,驚好難先'透'得著個爐,最後改為嗌外賣番黎食算....
雖然冇得燒嘢食,不過皓皓都玩得幾開心,一來朋友屋企有好多車車,二來有兩個小朋友一齊玩,點都開心過自己一個玩~~
William係混血兒,好佻皮活潑,對比之下,
皓皓顯得更加文靜....
不過大家既嗜好相同,都係鍾意玩車玩飛機,
所以好快就玩埋一堆...
但係兩個亦都好快咁爭嘢玩,
嗲到暈既皓皓即時向媽咪求救~~
同姐姐影相都唔捨得放低啲玩具...
開餐lu~~
三個小朋友d r m咁排列,
BoyBoy就黎兩歲;皓皓就黎三歲;William四歲。
食完正餐仲有飯後甜品~~Tiramisu!
皓皓又有得吹蠟燭!
反正皓皓就快生日,就當預早同皓皓慶祝啦!
食完嘢就落公園踩單車~~
皓皓對細單車冇興趣,淨係吼住呢架大單車~~
架單車其實幾高架...
皓皓只係啱啱夠腳長踩到腳踏...
但係佢超鍾意囉!媽咪話買架俾佢,但係要送咗屋企架Thomas俾人,
皓皓照應承喎!(好啦,搵日爸爸放假同你去揀車啦!)
難得影到一張三個小朋友都正正經經既合照~~
你哋睇!影完一張,William已經跳咗落地~~
拍埋BoyBoy度,皓皓好有大哥哥風範~~
呢日好開心,希望佢哋可以多啲機會見面,多啲一齊玩!
沒有留言:
張貼留言