3月5日(星期六)
今日爸爸放假,媽咪就要番工;不過只係番個半鐘,加上今日係open day,有啲攤位可以俾皓皓玩吓,於是就帶埋皓皓去,而爸爸就响德福食吓早餐hea吓咁等我哋....
媽咪要看檔,皓皓都唔知做嘜好,唯有玩吓iphone~~
周圍攪攪震~~
好多哥哥姐姐撩皓皓傾計同玩,不過皓皓怕醜到暈,唔鬼騷人..
冇嘜嘢係皓皓感興趣既,反而一個印仔令到佢唔捨得走~~
所以媽咪應承第日買一個俾佢~~
呢位哥哥係媽咪既同事,皓皓成朝早都唔睬人,
點知哥哥買罐可樂俾佢,佢竟然肯錫錫!
唉!皓皓真係現實!
臨走既時候玩後面既攤位,呢個攤位超難,
要將三個波拋入三個指定顏色既窿窿先嬴到大獎。
啲哥哥好好人,俾皓皓行入去'擺'啲波波入窿,
結果我哋嬴咗大獎,yeah!
大獎係大蕉一梳~~重到皓皓都拎唔起
當完值,join番爸爸,去德福同皓皓坐車仔....
呢兩架車仔,皓皓到宜家都好掛住,
一睇到相就講跑車呀、消防車呀咁...
跟住去尖沙咀行吓同食lunch~~
Haha,又係壽司廣,悶唔悶?
不過最近日本發生咁大件事,睇黎之後都有一段時間唔食得~~
唉!冇得去日本玩冇得食日本嘢都事少,
但係啲日本國民就好慘!希望佢哋可以盡快度過呢個難關。
講得非常對啊﹗
回覆刪除"冇得去日本玩冇得食日本嘢都事少,但係啲日本國民就好慘!希望佢哋可以盡快度過呢個難關。 "
[版主回覆03/28/2011 18:16:00]係呀,為佢哋祈禱~~
又係壽司廣!?!?!?
回覆刪除mud d 攤位獎品咁易嬴既? 日本真係好慘, d災民連野都無得食, 睇到d報導都心酸呀. 希望快d可以重建到啦, 我一定會再去掁興佢地既經濟架!
回覆刪除[版主回覆03/28/2011 18:11:00]係啦,希望核危機快啲解決,災民可以快啲得到安置啦~~
其實個大獎係媽咪運用勢力呃番黎既~~