Ho Ho in Osaka 2011~~ Day 2(part 1)^^黑門市場+天王寺動物園

6月30日(星期四)

Day 2(part 1)

Hotel→黑門市場→天王寺動物園 →難波/心齋橋→Hotel 

今次係爸爸媽咪第二次黎黑門市場，諗番上次黎已經好多年前，嚴格黎講嗰次根本唔算係黎過。事關嗰次我哋同朋友兩pair人黎玩，居然夠膽死個個都唔search資料，以為黑門市場同東京築地差唔多，都係晨咁早開檔，誰不知．．．．咁就癩嘢喇～～原來黑門市場9點幾啲鋪先開齊，我哋嗰次7點幾就'盅'咗去．．．．結果嘜嘢都冇得食。今次．．．．當然要食番夠本啦！

至於動物園，就純粹係為咗皓皓而黎，諗住順便可以教皓皓唔同既動物名。不過呢日烈日當空，真係幾辛苦吓！

今日可以瞓晏啲，差唔多9點先响酒店出發，

黎到啱啱好，啲鋪頭開齊晒！覓食前緊係要影番張相留念啦！

一睇呢間鋪既外面已經極為吸引，啲sushi勁新鮮，

再聽店員講裏面有位坐，唔駛諗，即入．．．．

坐低之後爸爸就去揀嘢食．．．．

冇嘜耐性既皓皓都要走出黎兜個圈，話睇蝦蝦魚魚喎。。。。

爸爸揀咗盒tuna set～～

媽咪就要魚生飯。。。

啲料真係好新鮮，嗰兩隻蝦係即撈上黎剝殼，仲郁架！

呢餐早餐實在太好味，我哋食得好飽！

皓皓都食咗四五件壽司飯，勁！

跟住買水果食～～

而家叫皓皓影相，佢成日專登唔望鏡頭，

媽咪要故意話：我同啲蘋果影相，皓皓你唔好望，唔好阻住。。

咁樣。。。。佢反而會望住鏡頭笑，係咪好反叛呢？

一間外形幾特別既眼鏡鋪～～

跟住出發去天王寺動物園。。。

黎到動物園前駅，為免行寃枉路，就搵咗位大叔問路；

大叔好好人，二話不說，就叫我哋跟住佢行，左穿右插，

行咗幾條街，差唔多到目的地，大叔先至自己折返。。。

其實我哋响日本遇過好幾次類似事件，

有次嗰位阿哥唔識路，更認真地攞本地圖出黎幫我哋搵路，

呢一點，真係不得不讚日本人，佢哋普遍都係好熱心～～

呢度就係充滿懷舊色彩既Jan Jan橫丁～～

天氣實在太熱，成個行程皓皓唔知飲咗幾多枝凍飲。。。。

不過去旅行，比佢放縱吓啦！好彩冇飲到咳咋！

黎到動物園，咁啱有班幼稚園學生(小學生？)响度野餐。。。

嘩！佢哋啲便當好精緻好靚，真係好似卡通片入面見到嗰啲呀！

皓皓既意外收穫～～呢度竟然有個小型遊樂場。。。。

有路軌火車坐～～

仲有各種各類既車～～不過坐１次要200yen，

咁樣好易坐窮人，皓皓玩咗千幾yen，爸爸媽咪又要氹佢走喇！

行入動物園，皓皓猛咁jump，媽咪影咗五六張，

都影唔到佢完全離地既相。。。

天氣太熱，皓皓又開始攰，所以俾佢坐bb車，一路推住佢睇動物，

所以影相都唔多～～～

最開心就係咁啱見到有幾隻雀bb破蛋而出，

雀爸爸＆雀媽媽响佢哋身邊照顧保護佢哋。。。

熱到飛起，又要飲凍嘢cool cool先～～

動物園好大，分南北園，但係因為太曬既緣故，皓皓又開始眼瞓，

所以我哋未行晒成個場就決定走喇～～

 

～～Day 2待續～～