上次响09年尾10年頭去完大阪,爸爸媽咪都以為起碼隔幾年先會再去大阪,事關我哋都係鍾情東京多啲;不過而家帶皓皓bb去東京,始終又有少少擔心,所以爸爸媽咪商量過後,決定黎個短短地既大阪trip止住我哋條日本癮先。。。。
今次我哋放棄去USJ,諗住等皓皓再大啲先去多次;而上年開既KidZania Koshien係就係好正,不過要怕醜仔皓皓响冇爸爸媽咪陪既底下玩遊戲,都預咗冇可能,盞嘥入場費,所以呢個場都係要遲啲先去。。。。今個trip淨係諗住食吓嘢買吓嘢,而大阪啲地方又比較集中,所以4日真係好足夠喇~~
好啦,唔講咁多住,即刻開始我哋第一日既旅程~~
6月29日(星期三)
Day 1
香港國際機場→關西空港→Rinku Premium Outlets →
Hotel Nikko Osaka(check in)
10點機,我哋未夠8點到機場check in,班機勁full,
我哋網上劃位嗰陣已經冇晒一齊坐既位。。。。
好彩上到機搵到人同我哋調位先可以一齊坐~~
等上機~~皓皓吱吱喳喳,係咁問媽咪係咪坐呢架飛機,
問完1次,2次,3次。。。仲要問!
個兒童餐睇落豐富,實際上皓皓只係食粟米&腸腸,其他完全唔食。
@關西空港。。
去大阪有樣好,就係機程短啲。。。
皓皓全程冇瞓覺,但係都冇嘜扭計,真係還得神落~~
由關西空港搭去Rinku Town,再由車站行去outlets,
途經專賣小朋友嘢既Seacle,入去行個圈先~~
呵呵,點知有個幾大既playground,500 yen玩1粒鐘,
唔忍心見到皓皓既失望樣,所以同佢玩咗先。。。
呢度又真係幾吸引小朋友既,樣樣嘢都識郁識轉,
又多公仔又colourful~~
仲有幾十個汽球响強勁風扇既吹動下飛黎飛去,
皓皓喪high。。。
sir滑梯~~
跳彈床~~
有個好大既俾皓皓渣車玩飄移既場~~
仲有波波池~~
曳曳豬插水式撲入波波池。。。
玩唔到1個鐘,爸爸媽咪就氹皓皓離場喇~~
阿仔,都要俾番啲時間我哋買嘢架嘛,係咪??
去outlets前响foodcourt醫肚先~~
皓皓响西松屋買咗一堆印有疑似炎神戰隊圖案既物品,
點解話係疑似?因為個樣有啲唔同囉。。。
後尾去到啲toy shop先發現,原來日本嗰邊已經播晒炎神,
而家興海盜戰隊,所以搵唔到炎神既玩具買。。
好唔開心呀,仲諗住買一堆炎神既玩具俾皓皓添!
我哋响大阪既第1餐~~
响完全冇期望底下,味道竟然出奇地算唔錯喎~
魚生新鮮,拉麵好香。。。
叻叻豬皓皓,玩飽食飽就瞓覺,
瞓到天黑,爸爸媽咪掃完貨就起身,so perfect!
超攰,搭車去難波諗住轉的士番酒店,抖一抖再外出覓食。
點知坐完40分鐘火車個人又好似精神啲,
所以決定行過去心齋橋,再沿路搵嘢食。
途經旅遊書介紹既北極雪條,買番枝冰一冰先~~
街頭有人擺檔畫漫畫頭像,雖然好細幅兼且得黑白冇彩色,
不過一向有鋪畫畫癮既爸爸媽咪又點會放過?
潦咗7分鐘左右,完成!都幾得意呃!
呢兩位姐姐全程用日文撩我哋講嘢&讚皓皓,間中夾雜幾個英文,
真係唔知點應佢哋。。。最後佢哋要求同皓皓影相,
皓皓唔肯,係都要死扯住爸爸,結果唯有一齊影啦!
行到難波最多嘢食既一條街,我哋決定食~~~
每一次黎日本都一定會幫襯既~~道樂!
啲蟹刺身鮮甜到呢。。。
我哋指定會嗌既蟹宴,不過每一次套餐裏面既食物都有啲唔同。
今次呢個燒蟹羔真係正到。。。無法形容~~
指定photo~~戴蟹帽响巨蟹下影相。。。
食完蟹,去便利店買啲小食飲品就番酒店喇!
~~Day 1完~~
wow....蟹宴好正呀!!!! 你地Day 1 節目都算豐富喎....去outlet shopping 完又食大餐!!!
回覆刪除[版主回覆07/06/2011 01:02:00]我哋同你一樣,都係咁鍾意拆蟹
day 1其實冇咗半日,除咗shopping,都好難plan第二啲節目~~
皓皓簡直係一個日本小達人, 請問去沖繩或北海道合小朋友玩?
回覆刪除[版主回覆07/06/2011 01:00:00]我都唔係太熟....不過北海道好似有牧場,景又靚,應該好啲~~~
森媽係咪諗住同森仔去呀?如果去既話,咁小山呢?
皓皓簡直係一個日本小達人, 請問去沖繩或北海道合小朋友玩?
回覆刪除爸爸唔想留低任何一個家庭成員, 都會一齊去!!! 頭痕!!!
回覆刪除[版主回覆07/10/2011 22:53:00]咁真係頭痕喎....小山仲咁細~~
咁你哋打算幾時去呀??
原來大阪都幾正噃,我地又係鐘情東京所以無去大阪十年都有!!而家好似唔同晒咁!
回覆刪除[版主回覆07/10/2011 22:51:00]我哋第一次黎大阪已經係十幾年前,個感覺同而家都唔同晒~~