九州樂滿fun之旅2012~~Day 5(part 1)：烏栖outlets+九州鐵道記念館

8月13日(星期一)

Day 5：博多→烏栖outlets(Tosu)→門司港(Mojiko)→中洲屋台→博多
Part 1：烏栖outlets+門司港(九州鐵道記館)

連續幾日都早出晚歸，黎到旅程第五日，終於都可以瞓晏少少。。。。。
爸爸媽咪除咗第一日有得shopping之外，其餘幾日都係陪皓皓玩樂居多，所以呢日，我哋安排咗一個朝頭早俾自己，就係去outlets掃貨喇～～

呢日掃貨既目的地係烏栖outlets，由博多出發去烏栖半個鐘唔駛，就算預埋轉巴士既時間，都唔駛趕頭趕命。。。。。

酒店包早餐，但之前幾日都因為要趕搭車冇嘜點食過，今日終於可以坐低慢慢食完至出發～～

搭去長崎既特急，好快就到烏栖站～～



入到outlets就見到個好大既food court，food court裏面有間筆糖既鋪仔，皓皓雙眼發光要求筆糖糖～～
筆咗唔係好多，埋單竟然成舊水，未試過筆糖要咁重皮架～～
都怪爸爸媽咪唔望價錢啦。。。。。

 

呢個outlets都幾大幾好行。。。。。



我哋既主力只係行幾間，其中一間係bape～～
其實爸爸媽咪已經好少買呢個牌子既衫，不過見到佢同one piece crossover，就忍唔住要買番幾件～～　

 

爸爸話香港炒貴成三百蚊件喎，童裝仲好似冇嘜見過添！
响outlets行咗兩個鐘左右，嘜都夠皮喇，就出發去下一個目的地。。。。。。
番火車站既巴士唔密，加上落雨，我哋又抽住一袋二袋，再加架bb車，唯有搭的士～～

 

好好彩，趕得切呢班直達我哋下一個目的地既火車，咁就唔駛轉車咁頻撲。。。。。
呢朝早都算有少少斬獲～～

我哋都未有時間食lunch，又驚皓皓肚餓，是响車站買咗個便當上火車食。。。。。
仲以為會好難食，原來又唔係喎，ok架喎，皓皓食咗好多飯～～

由烏栖上車，搭個幾鐘火車，黎到下一個目的地：門司港Mojiko～～

門司港响1914年修建，係九州最古老既木造火車站，目前已列為日本重要既文化財產。。。。。

皓皓話架火車red色好靚wor～～

＜０哩＞紀念石碑前既幸福の泉同幸福の鐘，我哋當然要走過去敲敲啦～～
＜０哩＞紀念石碑既豎立，係因為門司港為鹿兒島本線既起點。。。。。。

整個門司港區都俾人一種復古懷舊既感覺～～
紗舞館：係由以前既候車室改建而成，而家係嘜？就係以食牛肉shabushabu盛名既食店喇～～

售票處仍沿用以前既名：切符賣塲～～

車站外貌～～

舊門司三井俱樂部：保留著愛因斯坦赴日演說時住過既房間～～

門司港仲有好多充滿懷舊風味既歐式建築，單係門呢一點，已經值得黎遊覽，再加上。。。。。
呢度有鐵道博物館，爸爸媽咪又點可以唔帶車迷皓皓黎逛逛呢？

爸爸去買入場票，媽咪就幫皓皓响門口兩列古董火車前影相～～
我哋有JR pass，買入場票有折，又幾好喎～～

入場後第一時間衝去迷你鐵道公園～～
Wow！迷你路軌迷你火車頭，交通指示燈，實在太精緻喇！
仲要係可以自己駕駛添，對小朋友黎講，吸引度爆燈！



急不及待，買飛即衝入去。。。。
唔駛問，皓皓坐司機位，爸爸陪坐做乘客。媽咪？負責影相囉！

準備開車既皓皓笑意盈盈～～

迷你火車頭外形～～

其實只係繞住鐵道行一個圈，好快坐完，皓皓又點會夠喉呢？

再坐多次～～
呢。。。。。。。見唔見兩父子响樓梯嗰邊排緊隊呀？
迷你火頭有三款，頭先皓皓坐門司港既列車，呢架係由布院號，仲有一款。。。。。。



Kamome express（鷗號特急）～～
我哋今朝就係坐呢架車去烏栖架喇～～




落車後，皓皓話好好玩，爸爸就話熱到癲咗。。。。。。
原來小火車裏面密不透風，只係有把扇仔俾人撥涼，爸爸話差啲焗暈。。。。。
不過，要陪阿仔玩，無計喎～～

渣完迷你火車，情緒高漲，喪跑衝斜路！
呢座紅磚建築物，入面有好多嘢睇～～



一入去，就見到一架明治時代木造火車～～

可以上去參觀～～

有個細細既Kids' room，當然啲玩具離唔開火車啦～～

俾弟弟搶咗啲火車玩具，又喊！4歲幾，仲係咁嗲呀。。。。。。




可手動既火車模型～～

 

模擬駕駛室，好似話幾好玩喎。。。。。不過咁多人排隊，爸爸就話唔排喇～～

日本每一個旅遊既景點，都可以蓋印章紀念～～
媽咪發覺我哋次次蓋完印章，番香港之後都會唔見晒，
係咪應該學吓人哋，整番一本專响日本旅遊時蓋印章既簿呢？

出血時間～～只見皓皓右手獵一份，左手渣一副咁叫：我想買呀！

寧願單手玩都唔捨得放開袋戰利品。。。。。

甚有紀念價值既車票同埋唔同款式既火車便當～～

最後，我哋出番入口處既地方參觀，因為呢度擺放咗好多列歷史悠久既火車～～

爸爸媽咪對火車素來冇嘜研究。。。。。

唔知嘜嘢型號，只知道火車既外型真係幾有特色～～

有啲仲可以上去參觀添～～

參觀完火車，我哋就離開鐵道博物館喇～～

呢日黎門司港有兩個重頭戲，第一個係for皓皓既鐵道博物館喇，第二個就係呢度一年一度既盛會。
真係夾都冇咁轎，响出發前媽咪search火車班次嗰陣，竟然無意中發現每年既8月13號，門司港都會舉行一項盛事，既然咁有緣，冇理由唔參與啫？

下回預告～～關門海峽花火大會



Day 5～～待續