北海道聖誕飄雪の旅~DAY 4(part 1):登別地獄谷

 

12月25日(星期一)


Day 4：石水亭 check out→登別地獄谷→登別伊達時代村→洞爺湖→洞爺湖萬世閣


今日聖誕節呀，原本好想聖誕正日可以留响啲氣氛好啲既地方，例如小樽呀，雪山呀咁。。。。不過時間上遷就唔到，不過唔緊要啦～～
呢日我哋將會去埋第三個Theme Park～～登別伊達時代材，我哋通常稱之為忍者村。。。。。。不過未去忍者村之前，我哋先行過去地獄谷嗰邊影吓相先～～




地獄谷係大概一萬年前日和山火山爆發而形成既火山口遺跡，四周圍都可以見到赤紅色同灰褐色既岩石，長年累月，裂縫都會噴出強勁既蒸氣白煙、火山煤氣，令呢度瀰漫住一股濃濃既硫磺味，'地獄谷'個名就係咁而得嚟既～～

好喇。。。。開始我哋Day 4行程～～

朝早輕輕鬆鬆响酒店嘆埋個早餐至慢慢出發，因為呢日既行程一啲都唔緊迫～～

 

西式＋日式既早餐唔係太多嘢啱食，皓皓只係食腸仔呀麵包呀，同埋飲杯鮮奶～～

食完早餐，由酒店渣車去地獄谷，路程好近(其實行路都可以，不過費事要番轉頭攞車喇)。。。。。





一入到去就見到咁既景象，周圍鋪雪，但仍不住噴出蒸氣，蔚為奇觀！





先响呢個'地標'影番張大合照先～～

再周圍影吓相。。。。。。
影出嚟既相係幾靚既，不過行去邊，都係咁既景，好似冇嘜嘢好睇～～





原本都有條探勝路，可以繞地獄谷一個圈欣賞吓其他自然風光。。。。。

不過條探勝路冬天係封閉既，加上地下有冰，都幾跣。。。。。
所以我哋只係响附近逛逛就算～～

行咗一陣，又開始落雪。。。。。

响入口唯一一間既手信店，門外擺三個可愛既小雪人～～


逛完手信店，就出發去下一個既目的地：登別伊達時代村～～



下回預告：皓皓响伊達時代村會玩大變身，搖身一變成為江戶時代既士～～

Day 4～～待續