唔講大家唔知，我皓皓bb有一個絕技，呢個絕技其實响我６、７個月大既時候已經識，人哋聽到會嘖嘖稱奇；但對於爸爸媽咪黎講，呢個絕對係一個惡行．．．．
所以佢哋決定將呢個咁可惡既行為公諸於世．．．．
首先係死lur爛lur、發晒爛渣．．．．
誓要令媽咪俾我坐响部電腦面前為止．．．．
咁就得逞架啦，你哋睇我陰陰咀笑，幾得戚！
跟住緊係打開佢la，如果唔係點表演我既絕技？
全神貫注，係咁搣．．．．
係咁搣．．．．係咁搣．．．．
睇唔清楚？
放大黎睇～～就係用手指仔撬起啲 keyboard掣喇！
然後係都要將啲掣撥晒落地．．．．
今日撬咗５、６塊，算好喇！平時冇10塊都唔收手。
玩厭之後，就．．．．
不斷將個電腦打開、摺埋、打開、摺埋．．．．
再跟住就古古惑惑，伸手到玻璃几下格摷野玩．．．．
但係對眼係唔捨得離開個電視既～～
就係咁，部電腦開始規規地，而媽咪就激到彈起，但係又忍唔住俾我呢個惡行引到笑死．．．．
沒有留言:
張貼留言