格仔熱

近排好多鋪頭都做緊大減價，有少少購物病態既媽咪，試問又點會忍得住手呃？佢除咗買野俾自己，仲幫皓皓bb我大手入貨，攪到爸爸終於忍唔住講：夠啦！真係著唔晒啦！爸爸呢句說話，令媽咪有如當頭棒喝，所以佢決定唔再買野俾我（暫時）。响媽咪收手前入既貨當中，除咗有佢鍾意既粉紅色衫之外（應該話係佢鍾意我著粉紅色），仲有幾件今季既大熱－－格仔，呢期show住兩件俾大家睇先．．．．．

　　　　　

　　　　　lam晒脷，好似又執到正野喎！

　　

　　哈哈！之唔係益力多！

　　

　　雖然個樽係「吉」既．．．．

　　

　

　　不過樽邊仲'lam'到少少味．．．．

　　

　　只要仲有少少味，我都唔會放棄既！

　　

　　咦？好似'lam'到冇嘜味喇喎．．．．　

　　

　　呀！有計．．．．　

　　

　　伸條脷入個樽裏面咪得囉！

　　

　　裏面嗰啲果然係味道濃郁d！

　　

　　再黎過．．．．

　　阿b，飲就飲la，做嘜好似鬼鬼祟祟偷蕃薯咁啫？

　　

　　呢件就係另外一件格仔衫．．．．　

　　

　　唔知今日媽咪同我去邊度呢？ 　　

　　

　　原來去佢成日幫襯既老闆娘度買衫．．．．

　　　　　

　　　　　老闆娘俾咗枝羽毛筆我玩．．．．

　　　　　

　　　　　fing黎fing去，又幾好玩喎！

　　　　　

　　　　　我似唔似跳緊羽毛舞？　　　

　　

　　又去咗three sixty買壽司食．．．．

　　

　　終於有得渣車車，你哋睇吓我，有姿勢有實際架！

　　　　　

　　　　　實情係要詩詩表姐傍住－－驚我碌出黎．．．．

　　　　　

再睇真啲，唔止詩詩表姐傍住，仲有心心表姐推住，同埋媽咪、芬姨監察住，哈哈！