尋日係正月十六,係好開心既一日,一來我既軒軒表哥仔終於可以出院喇(佢急性腸胃炎,又痾又嘔,好可憐呀);二來我終於可以拆利是喇,係時候做個財政結算la....你哋估我今年逗到幾多錢呢?
嗱!呢兩封利是係堅既!就係攝咗响我枕頭底十六日、爸爸媽咪俾既大利是喇!
唔知幾多錢一封呢?
爸爸媽咪,係咪拆得架喇!
阿b,攞黎俾爸爸幫你拆啦!
唔制!容嘜易俾爸爸私吞架!
呢本係我其中一本既存摺....
其實我總共有兩本,一本中銀、一本大新....
唔知入面有幾多錢呢?
等我先睇吓本中銀有幾多先....
吓~~~~~(嚇呆咗5秒)
點解係零既?
阿b,因為媽咪幫你同呢間銀行買保險,順便開埋個戶口....
所以係冇放錢落去既!
唉!咁睇埋呢本....(都唔慌有la!)
嘩!嘩!嘩!竟然....竟然....有6000蚊喎!
媽咪,我上年都未出世,點解有收入既?
阿b,呢d係爸爸媽咪上年既利是錢黎,進貢晒俾你架la!
咁....多謝晒喎!
阿b,駛唔駛咁開心呀?睇埋今年嗰d,你咪仲興奮?
計完利是錢,我哋就去住响海怡既Ceci EE度玩喇....
嘩!阿b,你個樣做嘜咁古惑既?
表姐一睇皓皓bb個興奮樣 就知佢今年一定係賺好多 哈哈 (羨慕中)
回覆刪除[版主回覆02/12/2009 14:10:00]都未有得用住,唔駛羡慕喎!
last張相好鬼靚仔!!!
回覆刪除[版主回覆02/17/2009 00:08:00]原來你鍾意古惑仔!