Barbecue Night

九月十一日(Sat)

今日爸爸媽咪約咗一大班朋友去大潭BBQ，順道同哈哈爸慶祝生日，呢一個禮拜，媽咪已經成日同皓皓提住呢件事，又教佢燒嘢食既時候有啲嘜嘢係唔應該做既咁樣，點知呢啲說話原來佢入晒腦，某日佢自己講：唔可以掂火火，會燒親隻手，好痛。。。。真係攪笑bb！

呢度供應一般既燒烤食品，但係我哋鍾意食seafood，

所以自己買咗幾袋海鮮黎燒～～

因為落大雨，所以成班人堆晒响篷裏面坐同埋燒嘢食。

其實一早已經知會落雨，不過大家興致勃勃話：

照燒，冇問題！

同阿b好啱key既老鼠哥哥～～

阿b好鍾意食腸仔，猛咁話好食。。。

偷飲清涼茶～～

呢度本來有得打籃球，跳彈床，打乒乓波。。。

但係因為落雨，所以籃球彈床冇得玩，淨係可以打乒乓波～

有姿勢，冇實際。。。成日打唔到個波

呢日最開心應該係心心表姐，因為我哋俾佢自己燒，

佢恨咗好耐喇！

其中一樣海鮮～～大花竹蝦！勁正！

呢晚皓皓大解放，狂飲嘢。。。

玩緊咩呢？三個人都咁開心既？

八卦豬裝哈哈哥哥玩緊嘜嘢～～

哈哈哥哥大皓皓七個月，應該玩得埋既。。

皓皓同哈哈哥哥既笑容同眼神都好一致。。。。

原來玩緊姐姐手腕上既kitty驅蚊器～～

姐姐話呢個驅蚊器超有效，媽咪都想買番一個呀！

燒粟米～～我鍾意食！

皓皓攞條粟米同Fion ee條粟米碰碰，然後講：乾杯！

現場有人播勁歌，兩隻豬仔竟然跳起舞上黎，勁攪笑！

皓皓仲要high到舉晒手。。。。

不過呢兩幅跳到好似機械人咁。。。。

兩個又不時捧住對方塊面情深對望，笑到我哋咩～～～

點蠟燭時間～～邊啲人最緊張？呢張相睇到晒。。

主角係哈哈既爸爸，同埋心心表姐，佢哋都係九月之星。。。

心心表姐冇緊過會同佢慶祝埋，冇諗過無端端有蛋糕切，

所以超驚喜～～

影番幅合照先～～

之但係皓皓點都唔望鏡頭，要啤住個蛋糕。。。

大合照完，食埋蛋糕，都成十一點，

老鼠哥哥車我哋番屋企途中，

眼瞓到極點既皓皓仍然死撐，要睇街上面啲車車，

真係貪玩到暈！

BBQ後記

燒完嘢食之後嗰兩日，皓皓都有問媽咪：聽日係咪去燒嘢食？可能佢真係覺得好好玩，如果唔係都唔會成日掛响嘴邊。。。。仲有，燒完嘢食第二日，皓皓逢食嘢就依起棚牙同我哋講：痴牙！平時我哋都會用牙簽輕輕同佢整走啲食物渣滓，但係嗰日就望極都望唔到佢啲牙仔有嘢痴住，最後我哋發現原來佢生飛滋，每逢食嘢就high到粒飛滋，佢又唔識表達喎，就淨係識指住個口話'痴牙'，諗起就好笑！不過BBQ嗰日皓皓真係食咗唔少，唔怪得會生飛滋既，下次都係唔好俾佢食咁多～～