九月四日(Sat)
今日爸爸有假放,我哋去咗尖沙咀行街街,然後去歷史博物館,原來呢度都幾多嘢睇,10蚊入場費,又有冷氣嘆,真係抵!
出到尖沙咀已經下晝點幾,第一時間梗係醫咗肚先啦!
皓皓想'筆'壽司飯食。。。。
熟識我哋既朋友一定知~~
我哋又响Sushi Hiro食lunch。。。
食完飯去新港行咗一陣。。。。
黎呢度既目的得一個~~就係睇吓Merci有冇新貨。。
沿途經過一個公園,皓皓即時雙眼發亮~~
因為有呢隻韆鞦玩咩嘛~~
不過呢個公園仔肯定人跡罕至,因為皓皓'sir'完滑梯,
條褲仔竟然變咗黑色,早知睇清楚先至俾佢玩...
@歷史博物館~~
真係好似以前鄉下啲祠堂。。。
'包山'~~真既未見過,睇呢個頂住檔先啦!
皓皓曾經响街頭睇過舞師,仲睇到入晒神,
而家見到後面嗰隻唔郁,反而有啲驚!
人力車~~
咁細個既coolie,見過未??
仲要係擺晒pose既coolie喎!
後面個海影出黎都幾真!
有隻船泊咗响度,皓皓見到,竟然....
扮上船,同我哋揮手道別...
仲要講:Bye Bye喇,我上船喇!
扮寄信??
後面張相入面既人,媽咪好似一個都唔識...
呢架係??
電車囉!皓皓雖然只搭過一、兩次,但係都認得...
仲識自己講:上電車!
淨係响呢架電車度上上落落都玩咗好耐!
見到啲麻包袋,就會諗起以前皓皓婆婆都係去雜貨舖糴米架!
(糴:音笛,簡化字寫成籴,一睇就知個意思係入米~)
(哈哈,媽咪職業病發作~~)
皓皓攪嘜鬼呀?咁緊張既?直頭想禽入去喎!
擰轉面同媽咪講:我要糖糖....
原來....入面擺咗啲瑞士糖~~
令人好懷念既擦膠呀!
睇到呢個場景,不禁覺得~~
而家既細路既物質享受真係好好多!
哈哈,睇到呢張poster,媽咪同芬姨都大笑起黎!
點解?因為舅父以前番學都係用呢類喼,
某年屋企裝修,發現呢個喼仲未掉,
我哋呢班兄弟姐妹發晒癲咁笑,
仲為佢起咗個名:喼神....
一家人坐埋一齊講吓無謂嘢,嘜都笑一餐,真係開心!
跟住我哋响博物館門口吹bubble...
皓皓以前只係玩自動噴bubble嗰啲..
今日係第一次玩呢隻真係要自己吹既bubble..
見佢吹到好肉繄,連口水都流埋出黎~~
媽咪諗佢見到自己吹到咁多bubble出黎,
肯定覺得超滿足同埋超興奮!
最後媽咪要同佢講泡泡冇晒佢至肯走~~
沒有留言:
張貼留言