八月二十一日(Sat)
今日一個二個都要番工,媽咪唔想全日留响屋企,但係又唔想自己一個湊皓皓去咁遠既地方。。。所以今日只係等皓皓瞓醒晏晝覺後,近近地帶佢去咗Cyberport玩!
我哋啱啱好趕得切黎Wise Kids
最後一段既遊戲時段....
玩掃地~~
玩收銀&燒嘢食~~
玩馬鈴~~
玩洗衫~~
玩湊bb~~
咁樣抱bb,唔係呀嘛??
仲要將個bb塞落個洗手盆,會被人告虐兒架!
呢度全部都係去海灘既用品~~
等我試吓呢副超先~~
咦!好似細得滯喎..
呢副應該啱晒面型喇呱??
嘩!fit到爆呀!
仲要試埋泳衣喎...
吓?呢件女仔泳衣黎?
我..我夠知咯,睇吓之嘛!
呢兩件沙灘裝又如何呀?
好大粒海星....
好大個沙灘波....
都係細細個既西瓜波啱我玩啲...
差唔多夠鐘既時候,嗰度啲哥哥姐姐叫晒啲
小朋友一齊坐低唱歌玩遊戲。
不過皓皓完全不理....
仲係好專心咁坐番响位度做小手工...
媽咪叫咗好耐,佢先肯坐埋去玩....
一陣咁大把啦!
遊戲時段結束,但係皓皓仍然唔捨得走~~
作最後既衝刺....
媽咪同皓皓講:真係夠鐘喇!下次再同你黎玩啦!
皓皓竟然好聽教咁話:好!(真係乖仔~~)
未入Wise Kids前沖咗枝奶俾皓皓飲,
不過佢掛住要入去玩,成枝冇飲過..
所以玩完之後,就响supermarket買咗壽司,
然後黎數碼廣場慢慢嘆!
食完就响呢度玩吹bubble....
呢豎片草地真係好大~~
最啱做嘜?唔駛問啦!
當然係俾皓皓喪跑~~
發現新大陸:响地下執石仔~
拋~~
dum一聲~~
力度幾勁!片落去水花四濺架!
就係咁,皓皓响度片咗十幾粒石仔落水~~
大家欣賞吓佢既姿勢~~幾美妙!
最後媽咪要監硬捉佢走...
見人哋吹bubble,佢又走埋去玩!
玩到六點幾,我哋就番屋企洗白白,
然後上太婆屋企做節喇!
總括黎講~~
皓皓玩得好開心既一日!!
Cyberport 有野玩架...wise kid 係咩黎架?
回覆刪除[版主回覆09/08/2010 11:39:00]wise kids其實係賣玩具既連鎖店,數碼港呢間特別大,响最高嗰層有個playroom,每日有幾個時段可以俾小朋友入去玩,不過係收費既~~
haha~看著看著都好好玩呀!
回覆刪除[版主回覆09/08/2010 11:36:00]係呀,嗰度俾較細既小朋友去玩真係幾適合~~