八月二十日(Fri)
今日爸爸都一齊放假,媽咪仲諗住安排啲特別既節目同皓皓盡情咁玩一日,點知爸爸話佢今日要去出iphone 4!我哋响尖沙咀食完壽司廣就去旺角出電話,攪完都已經四點,所以我哋只係响旺角行吓就算。不過今日好開心,因為我哋影咗第二輯貼紙張,皓皓影相既時候,媽咪嗌佢做嘜嘢動作佢都配合,好鬼可愛!
一齊o咀。。。。爸爸閃燈之前有o,閃既時候竟然合番埋,
俾佢激屎!
第二張皓皓雖然唔識整牛角,但係都有伸高隻手~
叫佢搵手指篤住自己塊面佢又照做。。。
呢張一齊舉高手。。。。不過唔知點解爸爸自己個樣俾楝禮物
遮住都唔識自己避開!唉!個細既配合時個大既又唔配合。。。
下晝一點幾黎到尖咀~~我哋既飯堂!
出門前皓皓問媽咪:帶埋包包超人出街得唔得呀?
阿仔,咁簡單既要求媽咪又點會唔滿足你呢?
等食期間百無聊賴,攞兩個筷子座黎玩。。。。
跟住將佢哋翻轉放,同爸爸媽咪講:蝸牛牛。。。。
又幾似喎!!
至愛十六件sushi到。。。。
皓皓話:要壽司飯。。。。
食完sushi,嘆番杯凍o tea!
之後去旺角出iphone 4~~
買完電話上兆萬影貼紙相~~
皓皓又學人哋咁,响個mon度畫畫畫。。。。
行玩具店~~
見到個機械人。。。。
好好奇咁手指指。。。。
呢間玩具店好多年喇!
想當年媽咪差唔多一個禮拜就黎幫襯一次,
話說嗰陣讀幼稚園既洛洛表哥瘋狂地迷上超人,
媽咪同芬姨都好錫佢,幾乎個個禮拜黎買嘢俾佢:
超人迪加啦,帝拿啦,七星俠啦,變身器啦,基地啦。。。
真係凡係超人既嘢都買齊咁滯。。。
如果皓皓而家又係咁樣買法~~
破產都似!!
幾好喎~細個自己經常去既玩具店而家可以帶自己個小朋友去~ 第日仲可以帶埋估孫去^_^好有感情既玩具店
回覆刪除[版主回覆09/08/2010 11:43:00]唔係我細個成日去,而係我侄仔細個既時候我成日帶佢去,不過都真係幾有感情架~~
香港出iphone 4快過日本。
回覆刪除[版主回覆09/08/2010 11:41:00]咁日本幾時有呀?
影貼紙相真係好開心!!!
回覆刪除[版主回覆09/08/2010 11:41:00]好過癮,你哋都去影呃.....
影貼紙相真係好開心!!!
回覆刪除影貼紙相好玩呀,不過我地居然一次都未影過!!!啱啱網上訂左iphone4呀,但要成5個星期先有貨,心急死!!
回覆刪除[版主回覆09/08/2010 11:41:00]有朋友話成日打電話去催吓佢哋會快啲有,都唔知係唔係?
日本(我住嗰度)仲係予約受付中。
回覆刪除