放大假玩樂篇~~玩轉Mega Box

八月十二日(Thu)

啲同事成日都話想見吓皓皓、同佢玩吓，所以趁媽咪放大假，就約咗同事响公司附近既Mega Box食lunch，順便去試玩由blog友介紹既、新開既play house度玩。。。

媽咪同皓皓早到咗，所以先同麥兜影吓相先～～

你哋睇吓皓皓古古惑惑咁，究竟想點？

咪就係駛出佢既看家本領～～liu人鼻哥窿囉！

隻咖啡杯有枝飲筒，皓皓好想攞黎啜。。。

但係點解攞極都攞唔到架？？

細膽豬企上個台度話高高，好驚～～

坐响梯級度影就冇問題。。。

無端端擺甫士～～

皓皓真係有啲癖好：就係專攪人啲眼耳口鼻。。。

咁多扭蛋機，唔扭一個俾佢都咪駛旨意走。。。

咁大地方俾皓皓喪跑，開心屎佢！

好喇，差唔多夠鐘，係時候去酒樓喇。。。

今日皓皓比起尋日好好多，起碼肯俾人抱、同人玩，

媽咪估計係因為今日多姐姐既關係，

你哋知啦，皓皓對姐姐特別有好感。

同靚姐姐玩。。。。

同哥哥玩。。。。

飲完茶，同事番公司，媽咪就同皓皓繼續响Mega Box hea。。。

行吓玩具店。。。

又响童真天地玩吓～～

當然唔少得玩吓sir滑梯。。。。

不過呢度無時無刻都咁多人既？

又坐吓飛機同車仔。。。。

黎到play house喇！

嘩！平日都咁多人，我哋排咗十幾分鐘至入到場。。。

咁假期咪唔得掂。。。

不過入到去實在有啲失望，因為個場好細～～

唔係太多嘢玩，加上多人，感覺上好迫好迫～～

好在個波波池都算大，皓皓玩得好開心。。。

不過要好小心護住皓皓，因為啲哥哥姐姐好瘋狂，

亂衝亂撞唔睇人；

同埋條滑梯玩唔到，因為皓皓爬唔到上去，太高喇！

有車仔坐，不過多人爭。。。

射籃同射龍門就唔錯，啱皓皓玩。。。

不過＄４０任玩，都算係抵。。。。

玩完play house，又同皓皓番公司同啲同事玩咗陣，

皓皓心情超high，臨走仲逐個同事錫錫，

可惜媽咪相機影到無晒電，無得影相。

今日咁樣玩法，媽咪真係超超超超攰！

而皓皓上到的士，唔駛五分鐘已經瞓到成隻豬仔咁。。