放大假玩樂篇~~挑戰沙沙＠淺水灣

八月十七日(Tue)

今日原本只係諗住去奧海城同公公婆婆食lunch，然後周圍逛逛就算，點知逛到晏晝食tea嗰陣，大家見無嘜地方好行，又見太陽開始落山唔係太曬，於是就即興話去海灘玩，我哋拖鞋又冇、沙灘席又冇、玩沙堆沙既架餐又冇．．．．但係竟然坐言起行，食完tea就立即出發去淺水灣，認真攪笑！

同公公婆婆佢哋响Spagetti食lunch～～

芬姨同皓皓去零食物語，隻衰豬仔竟然問芬姨：

買提子糖得唔得？

皓皓而家最叻就係問：xxxxxx得唔得？

同媽咪出街，問：帶埋包包超人車出街得唔得？

攞肝油丸俾佢食，就問：俾粒提子糖得唔得？

到你攞１粒糖俾佢，佢就問：俾５粒得唔得？

＠奧海城一期～～

軒軒表哥要上堂，我哋陪佢行過去，

呢度地方空曠，又俾機會皓皓喪跑一輪．．．．

結果跑到成身汗，要換過件衫．．．

同心心詩詩表姐排排坐～～

其實係架巴士黎架！

又古靈精怪．．．．

呢排成日擺手入口咬，唔知係咪出大牙牙仔痕？

影完一張相就想閃，結果要表姐挾住佢影。。

見到條fish，懶興奮咁。。。

唔駛一陣，對眼又瞄去第二度，好明顯又想閃。。。

就係咁，皓皓不停咁圍住呢咋公仔跑黎跑去～～

影完相再行一陣，就join埋放工既爸爸去食tea，食完就玩即興入淺水灣。。。原本大家都興致勃勃，點知一入到淺水灣竟然落狗屎，個天仲黑晒，睇個款好似有排落咁！唉！大家都好失望，一場黎到，緊係唔想即刻打番的走啦！於是～～我哋又食tea，希望食完之後啲雨會停，雖然個機會都幾渺茫。。。。

皓皓勁扭計話要出去玩，直至啲嘢食黎到。。。。

佢先至冷靜落黎食嘢。。。

食完嘢，奇跡出現，竟然停雨喎。。。

咁當然即落灘玩啦！

剷泥沙剷得好起勁。。。

係完全估唔到皓皓咁鍾意玩～～

話咁快就剷滿一桶。。。。

心心表姐既傑作～～

不過經百厭星皓皓一輪搗亂。。。。

化為烏有。。。。

正當我哋以為皓皓已經克服對沙沙既恐懼之際～～

點知佢隻鞋仔終於入咗沙。。。

跟住佢就勁驚，大嗌：隻鞋有骨呀！

之後？大家應該估到啦！

皓皓唔肯著鞋，要爸爸抱住唔肯落地。

不過算啦！反正個天又開始黑，

唔駛三分鐘，又落大雨喇！

雖然皓皓仍然驚踩沙，但係佢肯玩，已經好過上次好多啦！

所以今次皓皓挑戰沙沙～～算係成功咗一半啦！