八月十三日(Fri)
今日難得爸爸放假，而佢又成日話想做吓運動，咁不如踩單車啦！橫豎皓皓都鍾意既。。。。不過實在太熱太曬喇，我哋唯有等下晝四點幾先至去踩～～
之前踩開既四輪車唔知點解無端端拆咗前面個seat，
咁樣皓皓無得坐前面，三個迫埋一齊坐實在太迫。。。
咁唯有租呢隻三輪啦～～
啱晒你啦，爸爸！你話想做運動咩嘛！
去到有嘢玩既地方，就停落黎玩吓，
順便俾爸爸抖吓。。。
我坐心心表姐架戰車，幾型！
咪睇我好似好輕鬆咁。。。。
查實我驚到腳仔軟！坐咗一陣就嗌驚要落地。。。
話就話四點幾，但係都仲幾曬，所以踩咗一轉就要停一停～～
飲啲嘢補充吓水份～～
踩一轉其實已經好攰，唔係吹水架，你睇～～
企响後面既爸爸攰到扯晒蝦呀！
踩咗一粒鐘就還車喇！
之後响個playground玩一陣。。。
熱到溶咗，皓皓同心心都變咗濕水鴨～～
雖然係咁，都無損佢哋玩既雅興，
尤其是皓皓，仍然精力旺盛咁圍住個playground喪跑。
媽咪都唔願追住佢影相，幾經辛苦，
先叫到佢响呢間屋仔度坐低抖抖～～
嘆爸爸飲剩少少俾佢既冰凍雪碧～～
例牌動作，搖吓個罐睇吓仲有冇。。。。
飲晒！開始攞枝飲管出黎玩。。。
咁都玩一大餐。。。。
之後去番租車嗰度坐，等芬姨放工坐架的士黎兜埋我哋，
就一齊番屋企食晚飯喇！
爸爸話出一身汗，幾爽咁話喎。。。。
但係點解你個款好似攰到想屎咁既？？
沒有留言:
張貼留言