八月十八日(Wed)
媽咪放大假已經個幾禮拜,除咗16號嗰日嫲嫲幫手湊住皓皓俾媽咪自己出街之外,其餘每一日都同皓皓周圍去玩,都真係幾攰架!不過諗起下次既長假要等到聖誕節,所以都唔理得咁多,一於玩盡佢啦!
今日好開心,我哋同公公婆婆、表哥表姐、波波舅父舅母、芬姨佢哋一行12人去Kimberley Hotel食lunch buffet,因為媽咪知道公公鍾意周圍去食嘢&去唔同既地方試新嘢,皓皓未出世前,都叫多啲機會帶佢哋去遠啲既地方食嘢,例如入西貢呀、南丫島呀。。。但係而家要騰時間出黎就難啲囉,所以趁呢個假期,都盡量多啲同公公婆婆佢哋周圍去食lunch。。。。
book咗12點,不過我哋到咗,佢哋成棚人至開始响屋企出發。。
咁我哋梗係食住嘢等啦~~
首先攞碗烏冬填飽皓皓個肚先,味道唔錯噃,皓皓成碗食晒咁滯!
又食咗一舊佢好like既sushi。。。。
皓皓食飽,佢哋至黎到。。。。
呢個時候,皓皓已經嘆緊佢杯橙汁喇~~
嘩!成個墟咁!不過如果成家到齊,坐多一張枱都唔夠。。。
皓皓叫媽咪攞嘢食,大家估吓佢想要嘜?
之唔係香蕉囉!好鍾意食架佢。。。。
食完buffet,我哋就同芬姨&心心表姐去九展,因為今年係Sanrio五十周年,嗰度攪咗個名為Who's the next Hello Kitty既展覽,諗住有好多嘢睇同好多嘢買,咪去逛逛囉!點知。。。。勁失望!
首先係入場費都幾貴,連皓皓都要買飛。。。
跟住仲要排隊入場~~
不過唔係排好耐,好彩!
入到去就知捉蟲,因為裏面黑蚊蚊,皓皓勁驚。。。
每人派一個kitty錢箱,玩六個遊戲,最後結算睇吓攞到幾多金幣。
攞咗金幣又點?睇埋落去你就知架喇!
其實玩第一個遊戲媽咪已經後悔到嘭嘭聲~~
因為個遊戲勁白痴,仲要熄晒燈,攪到皓皓狂喊。。。
好在後尾有個金幣俾佢入錢箱佢至收聲咋!
之後皓皓可能習慣咗個場地,加上媽咪抱住佢不斷安慰。。
同佢講第二啲嘢轉移佢視線。。。。
佢先至無咁驚~~
總括黎講,啲遊戲啱心心表姐玩,唔啱媽咪芬姨玩,
更加唔啱皓皓玩~~
不過算啦,見心心表姐都玩得好開心!
玩晒六個遊戲臨出去既地方擺咗隻好大既kitty女皇。。。
每人揪住個錢箱去結算金幣。。。
唔知皓皓係咪意識到遊戲已經玩完,見佢都好似成個輕鬆晒咁~
數緊金幣,咁。。。。究竟啲金幣有嘜用?
呢,後面啲字有講喇,就係睇吓你有幾多代幣,
決定你可以响邊個場景度影相。。。。
同埋有張所謂'女皇繼承人'既合約,真係得啖笑。。。
嗰刻媽咪天真地諗,雖然入場費貴,但係佢哋送番四張相俾我哋,
都算有啲良心。。。事實~~就當然冇咁著數啦!
原來一張相要$80。。。
咁媽咪同芬姨梗係唔影啦,只係俾皓皓同心心影咗一張合照。。。
而所謂既唔同場景,其實就只係影完之後响電腦度合成出黎。。。
呢,攪掂之後就係咁喇。。。。
呢幅張就盛惠$80。。。
都幾靚既,雖然搵笨實咗啲,不過算啦!
影完相出去就係俾人買嘢既地方。。。
最後都係空手而回,因為大部分貨物都售罄。
出到會場,先至係皓皓全日玩得最開心既時刻。。。
因為有得玩跳彈床。。。
第一次玩,估唔到佢會咁興奮,你哋睇佢!捐黎捐去。。。。
玩到喪high。。。。
呢度$5玩十分鐘,抵玩!
頭先响hello kitty會場攪到皓皓咁不安,
好彩有呢個跳彈床補番飛咋!
lunch好正wor, 貴唔貴呀?
回覆刪除who's the next anki都有去ar!佢影相勁開心
[版主回覆08/31/2010 01:49:00]百零蚊咋,不過食物款色唔係太多......
anki既年紀識玩嗰啲遊戲,當然開心啦....
好搵苯!
回覆刪除昨晚吃完萍記, 森仔超happy..不停說好味道! 附謝介紹!
[版主回覆08/31/2010 01:47:00]好嘢梗係要齊分享啦,話唔定有日我哋响萍記相遇.....
看來皓皓吃得很盡情,玩得很開心呢﹗﹗媽媽累一點都值得啊﹗﹗
回覆刪除[版主回覆08/31/2010 01:45:00]係呀,只要佢開心,幾攰都值....
我地係hello kitty未開前去過呀,後來知道要成$120入場費就咪搞了。不過入面影相好靚呀!
回覆刪除[版主回覆09/08/2010 11:45:00]我覺得好難影,因為佢哋唔准入場者開閃光燈影相,所以好多都影好黑.......
入場費真係貴,我去到先至知,如果唔係既話我諗我唔會去.......