去完日本旅行後番咗一個月工，終於等到又放大假既日子，不過話時話，由8月10日開始放假，到今日為止，好似都未停過咁滯。。。。忙嘜嘢？當然係忙同皓皓bb盡情去玩、玩、玩啦！
八日十日（Tue）＆八月十一日（Wed）
8月10號，係ViVi表姑姐遊港完畢番比利時既日子，所以呢日我哋冇出街，淨係朝早陪ViVi表姑姐佢哋打乒乓波，夜晚就响太婆屋企同佢哋 farewell，我哋又要一年後再見喇！
ViVi表姑姐打乒乓波英姿～～
佢哋打波，皓皓就不斷兜圈跑。。。
睇吓皓皓後面～～就係自詡打波好勁秋既爸爸，
係咪真係勁？對手係媽咪嗰陣就好勁囉！
8月11日，媽咪約咗响薄扶林既同事食lunch，皓皓勁怕醜，成餐飯都好似條籐咁纏住媽咪抱，所以一張相都影唔到，唉！第日K1 interview又係咁都唔知點死！
食完lunch番屋企覺豬，等爸爸放工我哋就去西環食dinner，呢間泰國菜可以話係爸爸媽咪其中一間既飯堂，呢度環境雖然麻麻，但係嘢食真係無得頂～～
呢度既老闆話爸爸係佢哋既第一代食客，即係佢哋未裝修前，
間鋪細到得兩張枱仔嗰陣，爸爸就開始幫襯佢哋。。。
所以佢哋話爸爸係VIP。VIP有嘜著數？
冇架！除咗幫我哋留位留嘢食，就係啲嘢食上得特別快囉！
不過呢個特權都唔錯架喇，媽咪見過幾次，
啲食客等上菜等到唔耐煩發老脾走咗。
大家見我搶住食，就知啲嘢食幾yummy啦！
我哋呢餐食得好豐富～～
雞腳扎肉沙律～～
兩種唔同食法既蝦，都好好味！
尤其係下面既生蝦刺身，簡直係媽咪既no.1至愛～～
花甲＆燒墨魚丸～～皓皓成串食晒！
好鮮甜既鹽燒黑鰂魚～～
碗湯粉好香，皓皓食到得番一條粉都唔放過，
仲話要飯啲湯。。。
係咪睇到啲相都流口水呢？
大家睇吓皓皓既食相就知佢幾咁鍾意食～～
真係個碗得番一條粉都唔放過架～～
平時爸爸媽咪通常兩條友自己黎嘆，
不過見皓皓咁鍾意，第日都要帶多啲佢黎食喇。
沒有留言:
張貼留言