七月三十一日(星期六)
今日終於可以同皓皓去吓街街喇,但係去邊度好呢?正值苦惱之際,就收到芬姨既電話,佢話標標舅父諗住下晝去黃金海岸。。。。好呀!橫豎皓皓未去過,去行吓都好!
朝早起身問皓皓想食嘜嘢早餐,佢話'火腿通粉',
諗住換衫同佢去商場食大快活啦,點知佢又走埋黎講:
打電話叫麥當勞姐姐上黎~~
就係咁,皓皓又好滋陰咁响麻雀枱上面嘆早餐喇!
到皓皓瞓醒覺豬,已經係下晝兩點幾,媽咪望望窗外~~嘩!仲係烈日當空,出到去肯定即刻溶,當時媽咪un un腳响屋企嘆緊冷氣,講真,嗰刻真係好想'tun'呔,好想打俾舅父話佢聽我哋唔去喇。。。。點知皓皓突然走埋黎拉住攤响梳化度既媽咪,講:mami,行喇!出街街喇!
猛然醒起,頭先氹皓皓瞓覺嗰陣講過:瞓醒同皓皓去街街。。。。媽咪唔可以呃仔仔架!於是即刻彈起身,打電話俾舅父。。。。出發!
睇兩老表响巴士上既舉動,就知邊個係餵食豬啦~~
落車一入門口,就見到一個好吸引既檔攤。。。
就係'吊鴨仔'喇。。。。
幾攪笑!所有細路圍埋一齊'吊吊吊'~~
皓皓好怕醜,開頭屎都唔肯坐埋去。。。
好在後尾越吊就越投入。。。。
廿蚊一個,無時間限制,吊完送一份小禮物,
俾細路仔消磨時間就最好。。。
肉緊到伸埋手落水池~~
到最後,皓皓竟然係唔肯走嗰個,
係要'痴'住張櫈仔唔起身。。。
全靠呢枝蘋果汁,至可以氹掂欲罷不能既皓皓。
呢度有Thomas擺設睇。。。
不過對於皓皓黎講,Thomas比唔上一個'轉轉',
佢玩呢個轉轉,又係玩到唔願走。。
大家終於頂唔順喇,'鼠'咗入餐廳過吓冷河。。。
軒軒表哥仔正正經經嘆緊烏龍茶~~
皓皓就飲飲吓奶茶抆枝飲筒出黎玩,曳!
呢張更架唔駛講,簡直曳爆!唔扶實佢肯定變倒豎葱~
一係就企响櫈上面jump jump jump,唉!
响餐廳抖完一輪,又出去再玩過~~
同心心表姐friend 過打band~~
任由心心表姐擺佈。。。。
始終對呢個'轉轉'念念不忘,又要黎搵番佢玩~~
叉完電,又有精力喪跑~~
心心表姐幫手睇住皓皓,其實真係少啲體力都唔掂架!
有個攤檔俾小朋友砌砌圖,
皓皓唔識砌,淨係掛住玩波波。
皓皓:得嗰六塊圖都砌咁耐架?
喂!仲要砌到錯晒添!
軒軒表哥仔仍然好努力咁响度'鬥'緊木~~
Yeah!大功告成!影幅大合照先!
媽咪抱皓皓行近海邊影相,老鼠仔皓皓即緊張咁叫:
唔好行埋去!跌落海海!
玩完就搭車出佐敦,芬姨帶皓皓去永安行個圈。
慌唔係頭先响黃金海岸望Thomas望到入晒腦咩,
去到永安竟然要求芬姨買Thomas俾佢。
平時唔扭買玩具,通常渣一陣就會放番底,
點知呢次。。。。
渣到番屋企~~
沒有留言:
張貼留言