追blog～～三日雜記

近排真係唔知忙嘜，硬係覺得啲時間好唔見駛，番到屋企同皓皓瞓完覺，都已經成10點，上吓網睇吓電視沖吓涼，咁又一日。。。。攪到累積咗好多篇blog未寫，所以媽咪決定偷懶，將幾日group埋一次過寫～～

17、18、19號呢幾日，最值得記既，應該係心心表姐生日，心心表姐今年十歲喇！媽咪由細睇到佢大，未結婚前，心心表姐仲係同媽咪一齊瞓既添，雖然而家我哋一個禮拜只會見一、兩次，但係媽咪真係好錫、好錫心心表姐架！

其實唔止媽咪錫心心，皓皓都同心心表姐好投緣架！

媽咪每次放假，佢就叫媽咪同佢去搵心心表姐！

17號星期五晚，媽咪同爸爸夜晚去咗鑼灣出電話，

話說媽咪玩完爸爸既iphone4後，終於按捺不住要出番部

出完電話去食晚飯，無嘜頭緒，結果又去咗食我哋既至愛。。。

就係Sushi Hiro喇～～

嘢食當然正爆，不過價錢呢。。。。

就比晏晝食既貴三倍～～

爸爸媽咪都係第一年結婚周年食過一次夜晚咋！

多謝爸爸喎！

睇吓皓皓！佢見面上痴住粒壽司飯，即刻執番落口，

好有衣食呀，hahaha。。。

甜品紅豆雪糕，yummy！

食完飯落Sogo，再整多杯牛奶布甸，喪！

結果媽咪响打的番屋企途中，已經開始攪肚痛

18號朝早，同皓皓上親子遊戲班。。。。

排排坐聽老師講故師。。。

＠圖書閣～～

食茶點前先洗洗手。。。

做小手工～～

玩遊戲～～

當然唔少得玩皓皓既至愛～～'筆'豆豆啦！

之後去香港仔買生日蛋糕，因為晏晝會同心心表姐慶祝生日，

順便同皓皓去反斗城玩一陣。。。

咁興奮，做嘜事呀？

因為佢話要攞個鉗鉗媽咪。。。。曳豬！

番到屋企，心心表姐黎到喇，我哋先落樓下踩車，

兼去商埸食啲嘢先。。。

心心架米妮滑板車就係爸爸媽咪今年送俾表姐既禮物，

佢喪喪喪鍾意，因為佢恨咗好耐喇！

皓皓架車都差唔多要換喇，開始有少少頂住腳仔。。。

皓皓要求食麥當當，俾佢食幾條薯條咁多啦！

食完tea番去切蛋糕。。。

心心表姐，生日快樂！

皓皓又要爭切蛋糕。。。

仲要偷食添～～

19號夜晚要去太婆屋企做節，晏晝我哋出咗九龍，

同成班表哥表姐去咗公園玩。。。

吹吓泡泡～～

踢吓波波～～

好開心既一日！

舒服晒，一次過清咗幾日既blog！