北海道聖誕飄雪の旅~DAY 2(part 2):浪漫醉人@白之戀人館Shiroi Koibito Park

12月23(星期日)

Day 2：酒店→二条市場→時計台→白之戀人館→三井outlet→蟹將軍→酒店

繼續我哋既day 2旅程。。。。。時計台之後，我哋嚟到下一個目的地～～齋聽個名已經覺得甜到漏既。。。。。白之戀人館Shiroi Koibito Park！


上網睇過人哋响夏天影既相，覺得好靚。。。。。原來冬天時候鋪滿白雪，個feel仲正仲浪漫～～
見唔見到皓皓個頭仔呀？係爸爸好辛苦咁舉高佢，佢先可以响個窿窿度突個頭仔出嚟影相咋！

白之戀人館分為收費區同免費參觀區～～
原本媽咪都想去收費區嗰邊自製一盒屬於自己既白之戀人朱古力，但係。。。。。
製作需時呀！我哋啲時間實在太緊迫喇，唯有齋响免費參觀區買吓手信，影吓相咁～～


我哋先入室內參觀同影相～～

佈置得好有聖誕氣氛～～

用喬契爺部大機影既全家福～～



Bear Bear契爺契媽抱住兩個契仔幾開心！
希望佢哋快快趣趣生番個，咁就更加熱鬧lu！

呢度裏面好吸引架。。。。。係嘜嘢嚟？



畀啲提示大家。。。。。啱喇，就係賣波板糖既，同埋。。。。。



專賣五顏六色彩絲糖既地方囉！

仲可以欣賞人哋既製作過程～～

影完相，大家就去買吓手信，同埋。。。。。。





嘆番杯滑滑雪糕先～～

Bear Bear契媽每個契仔送一枝波板糖～～
不過枝糖啲色素好勁，皓皓食完成個口都係藍色。。。。

 

北海道既冬天，四點幾左右就開始天黑，所以我哋趁未天黑，
咋咋林出室外影吓啲靚景～～

歐洲式庭園建築，就好似童話故事裏面既城堡一樣～～

响呢個拍攝靚位，有兩三個職員專門幫遊客影相～～
當然，佢哋都會用自己機幫你影，然後整幅靚靚相sell你。。。。。
只係1200yen，我哋都買番一張留念～～

好得意呀。。。。有好多間鋪滿皚皚白雪既小屋。。。。。



皓皓自動波逐間逐間走過去影相～～



其實啲屋仔仲可以坐埋入去，小朋友實覺得好好玩！

有鹿車坐添！

後面背景啲公仔好可愛～～

遊園火車，皓皓鍾意，一定要坐啦～～

皓皓＆哈哈哥哥，仲有一張飛，係畀陪坐員～～爸爸既！



出發。。。。。

兩個豆丁最興奮就係呢刻喇～～

架火車會繞園一周，感覺上好似坐咗好耐，仲會'捐'山窿添，都算抵坐～～

坐完。。。。。兩個都話好好玩～～

趁佢哋坐緊火車嗰陣，影吓周圍既靚景。。。。
玩完火車，天色開始黑喇，我哋亦係時候去下一站lu～～　



Day 2～～待續