北海道聖誕飄雪の旅~DAY 3(part 1):企鵝巡遊@Noboribetsu Marine Park Nixe

12月24日(星期一)

Day 3：Hotel Gracery check out→札幌中央批發市場→登別石水亭check in→Marine Nixe→棕熊牧場→溫泉街→石水亭


Day3，我哋離開札幌，嚟到登別～～
呢日既重頭戲，非登別海洋公園尼克斯裏面人氣No.1既企鵝巡遊莫屬喇！

企鵝見過好多次，但係咁近距離，睇住佢哋搖搖擺擺，傻頭傻腦咁樣响面前行，就係第一次！
真係勁kawaii既呢！

呢朝我哋七點幾就執齊行裝check out～～
大件行李keep响酒店，三日後至番嚟攞番！



尋日我哋去咗二条市場，今日我哋嚟一個少啲人去既市場～～札幌中央批發市場！

旅遊書較少介紹呢個市場，所以我哋求其撞入一間搵食。。。。
當然。。。。。質素唔會差啦！

仲幾抵食添。。。個海膽飯既set只係2200 yen，平過尋日既個五色丼～～

嚟北海道，日日食魚生海產都食唔厭，因為實在太鮮美！

食完早餐，就出發前往登別。。。。。
初初諗住落雪渣車要駛得慢啲，要用多成倍時間先會到達目的地，但原來唔係喎～～
只係一個鐘鬆啲，就見到呢一尊巨型紅面鬼像，亦即意味住我哋已經踏入登別區域～～

我哋先去今晚住既石水亭溫泉旅館check in～～

諗住順便book定今晚浸貸切風呂既時間～～
上網睇酒店既時候，知道呢間可以免費浸家族風呂，唔駛去公共用既溫泉浸，
呢個亦係我哋揀呢間酒店既主因。。。。。
但點知原來係冇呢個優惠架，有啲失望，冇得同皓皓一齊浸lu～～

 

擺低啲行裝，我哋就嚟到Noboribetsu Marine Park Nixe～～

見到一大片雪地，大家又忍唔住停低玩吓雪。。。。。

呢度啲雪唔算太軟身，應該可以砌到雪人呀！

買完飛入場，就見到一座偌大既城堡。。。。。
(註：如果諗住去埋熊牧場同忍者村，記得同售票員講話買Theme Park Ticket呀，抵好多架！)

座古堡係呢個公園既中心，亦係陣間企鵝巡遊既所在地～～
而呢座古堡入面查實係一個水族館嚟既。。。。

未到巡遊時間，所以我哋先周圍參觀同埋食吓嘢～～




成個旅程最唔好食既一餐。。。。
普通貨色，價錢又唔係平。。。不過响呢啲主題公園裏面食嘢，都預咗架喇！

食完嘢，差唔多到巡遊時間，一出到廣場，已經見好多人企晒响度！
我哋都即刻霸番個位先～～



等候期間，皓皓好似好興奮咁喎～～

 

登登登登。。。。主角終於出場喇！
總數雖然只係得八隻左右，一啲都唔壯觀。。。。



亦冇想像中行得咁整齊。。。。。

不過真係超級可愛囉！




皓皓不斷嗌：企鵝，你過嚟啦！你過嚟啦！
但當隻企鵝真係走過嚟既時候，佢又嚇到尖叫同埋想逃跑喎。。。。
畀佢笑鬼死～～

 

人太多，好難先影到皓皓同企鵝既合照。。。。。

巡遊咗大概廿分鐘，企鵝仔就番屋企喇～～



好想摸吓佢啲毛。。。。
其實企鵝唔怕人，行得好近，絕對係可以摸到架！
不過我覺得應該守吓規矩既，人哋舉晒牌寫明唔准摸，無謂明知故犯啦～～

睇完巡遊，大家都冇意慾睇海豚海獅表演，所以決定行多個圈就走喇！
Bear Bear契爺佢哋行水族館，爸爸媽咪唔跟大隊，因為諗住同皓皓玩渣車仔。。。。。
點知搵唔到個車場(原來唔知維修定close咗)，最後嚟咗遊樂場玩～～

條滑梯好長。。。。。

皓皓玩到超開心～～

遊樂場冇嘜設施，除咗滑梯，只得一列火車仔～～

之後行吓啲鋪頭買吓嘢。。。。。

就離開Marine Park Nixe去下一個目的地喇～～


Noboribetsu Marine Park Nixe雖然地方唔大，海豚海獅表演同水族館同香港既海洋公園差唔多；但單係睇企鵝巡遊，都可以話值回票價既！


Day 3～～待續