北海道聖誕飄雪の旅~DAY 1: Sapporo white illumination @大通公園

今次既北海道之旅都可以話係幾即興既，因為成班朋友八月中講起話想一齊去旅行，到九月就扑鎚鐵定旅行地點兼夾畀晒錢，慌死有人會臨時縮沙咁。。。。wakaka！講笑啫！事實上係。。。。旅行社個相熟agent同爸爸講聖誕去北海道會超爆，如果出晒價我哋先至落決定，分分鐘冇機位，所以穩陣起見，我哋咪一早畀錢攞晒位先囉！

原來聖誕假期去北海道真係超貴，加上我哋啲禦寒衣物，要由頭添置到落腳，可以話係未出發，先出血～～～不過聽人講，聖誕既北海道好靚好浪漫，加上媽咪同皓皓都未見過落雪，所以。。。。。一諗起可以過一個白色聖誕就超興奮！

好！我哋既北海道聖誕飄雪の旅，start！

12月22日(星期六)

Day 1：新千歲機場→Gracery Hotel→拉麵共和國→大通公園→酒店

好早，八點幾機飛東京，再响東京轉機～～

＠羽田機場～～
呢程轉機都幾麻煩，因為落機後要自己攞行李去轉內陸機。。。。


 
轉內陸機要搭shuttle bus由國際線坐過去內陸線～～

坐shuttle bus要行出室外。。。。。唔。。。。。東京唔算太凍，應該有4-7度左右～～

雖然麻煩少少，不過人唔係太多，check in都算快，黎到閘口，仲有時間hea一陣。。。。。

國內線呢程係坐JAL～～

呢程機一個鐘鬆啲，好快到埗～～

搞掂晒，即刻買飛坐JR去札幌，車程半個鐘左右～～
差唔多到札幌既時候，已經見出面落緊雪。。。。

一落車，即刻著晒全副武裝。。。。
皓皓同哈哈哥哥著一模一樣既羽絨，好似孖公仔咁。。。。。

行出室外，feel吓落雪既感覺，好正！
皓皓打開手板，好興奮咁嗌：媽咪！我接住啲雪喇！

由地下街行去酒店，沿途見到媽咪既飛佛sanrio。。。。。

不過我哋趕住去酒店check in後出去玩，所以冇入去睇，影張相算喇～～

因為唔係幾識路，行行吓地下街又上番地面。。。。。
兩隻豬仔見到街邊厚厚既積雪，喪high～～



終於到酒店：Gracery Hotel～～
酒店响正大丸對面。。。。。



酒店好近JR，啲房都乾淨舒服，不過就冇view，只係望到東急既牌～～



响酒店安頓好一切，就外出覓食～～
本來我哋諗住坐車去狸小路嗰邊食蟹宴，但係大家又凍又肚餓，所以近近哋。。。。。
去咗拉麵共和國～～

呢度有八家拉麵店，我哋揀最多人嗰間食，所以三個family要各自分開坐～～

麵質唔錯，湯底就鹹咗啲。。。。

 

不過响咁肚餓既情況底下，碗熱辣辣既拉麵變得特別窩心～～
皓皓嘟晒嘴，因為扭計要玩扭蛋，但其實佢已經扭咗好多。。。。。
大家見唔見到枱面嗰堆波波？係啲one piece 掛繩波波嚟既～～





共和國入面有架SL鳴門號懷舊火車～～

又有啲模擬既懷舊場景畀人影相。。。。



食完拉麵，咋咋林坐車去大通公園，感受吓呢邊濃濃既聖誕氣氛。。。。。
事關大通公園每年11月尾至12月，都會舉辦Sapporo white illumination ～～

公園擺咗好多大型聖誕燈飾，加埋飄雪，真係靚到不得了～～

仲有一大片軟綿綿既雪地，兩個小朋友攞啲雪拋嚟拋去，玩到忘晒形～～

掛住玩雪，叫極都唔肯影相，咁爸爸媽咪自己影囉！
後面既札幌TV塔好搶鏡～～

幾經艱辛先叫到皓皓過嚟，不過影多張就面露痛苦之情，畀佢激屎～～

最後要叫埋哈哈哥哥過嚟，皓皓見大家都冇得玩雪要影相，先至冧番晒。。。。。

扮滑雪，haha～～

周圍都係聖誕燈飾，勁有feel～～

沿住公園行，仲有聖誕市集，啲檔攤售賣既聖誕飾物好得意！
行到十點零鐘，啲雪越嚟越大，所以我哋去便利店買完嘢食就番酒店喇～～

番酒店，淥個迷你合味道畀皓皓嘆～～

估唔到，嚟到北海道既第一日已經見到落雪，
媽咪細個已經好恨睇落雪，今日終於得償所願，好開心！

Day 1～～完