北海道聖誕飄雪の旅2012~~序

12月21日(星期五)

I'm dreaming of a white Christmas！

今個聖誕，媽咪呢個願望應該成真喇！皆因仲有七個鐘，我哋一家就會飛北海道，睇天氣預報，嗰邊嚟緊幾日都應該會落雪，真係好期待呀！不過。。。。。
又有少少擔心。。。。千祈，千祈唔好落暴風雪呀！




响呢度，皓皓提前同大家講聲：Merry Christmas！
祝大家都有個甜蜜開心既聖誕～～




每年聖誕，媽咪都會响婆婆屋企搞聖誕大食會，今年要飛，所以媽咪都提前送咗聖誕禮物畀表哥表姐佢哋～～

講番呢次旅行，其實都係响意料之外既～～
事關8月先去九州，根本冇諗過咁快又去日本。點知响8月同一班朋友飯局既時候，有人撩起話一大班人一齊去旅行，於是一個二個都踴躍和應，最初諗係台灣，星加坡同泰國。。。。但係Fion姨姨唔like台灣，覺得唔好玩；Bear Bear契媽就唔鍾意星加坡，話悶；而泰國。。。。媽咪就好唔想囉，因為某年爸爸媽咪同朋友去泰國，點知有人周圍放炸彈，而家諗番都猶有餘悸，所以媽咪即刻say no～～

之後，又有諗過韓國，但係韓國價錢都唔平，加上爸爸媽咪都去過，覺得唔係太啱玩。。。。。去到呢一刻，大家都好似開咗個頭而欲罷不能咁，點都要搵到個大家都鍾意既地方。。。。卒之，就係北海道～～

以前媽咪成日叫爸爸去北海道，但係爸爸都唔肯，今次呢。。。。爸爸話唔同喎。。。。因為有人渣車，再加上聽人講聖誕既北海道真係好靚咁話。。。。

點都好啦，咁就造就咗我哋呢次北海道聖誕飄雪の旅喇！

心情興奮，但係都係時候要瞓喇，各位，旅行完番嚟再見！