足球小將

唔知係咪爸爸既薰陶呢？皓皓都幾鍾意球類活動。。。繼之前非常熱衷snooker後，近來又變咗一個足球狂熱！

除咗日日'寃'住家中各人陪佢踢波，又成日要求爸爸踢winning畀佢睇，仲連電視上既聯賽都唔放過，睇到好肉緊之餘，又鍾意每事問：係咪12碼呀？咩叫紅牌呀？點解畀黃牌既？邊個犯規呀？？？？？問到爸爸都冇佢咁好氣～～～

當然，而家啲球隊名佢都識唔少。。。。有一日佢同嫲嫲踢波，就走黎問媽咪：
媽咪，嫲嫲係國際米蘭，我係BC米蘭，你估邊個嬴？
BC米蘭？？自己作球隊名，畀佢笑死！

爸爸鍾意睇波，亦都鍾意儲波衫，屋企有成箱波衫不特止，仲要有大半係齌儲唔著既，唉！呢啲僻好真係唔要得。。。。。而家佢雖然買少咗，不過見到鍾意既，都忍唔住會買畀自己＆買畀皓皓～～～

仲要燙埋字。。。。。。。套國米特登响官網度訂，然後速遞過黎～～
國米嗰套印咗皓皓個名，皓皓超like；曼聮嗰套就印咗Kagawa～～


　
成set波衫連埋褲同襪，爸爸成日話成套著唔靚喎，叫媽咪淨係畀件衫皓皓著。。。。。
媽咪就覺得，成套著幾得意吖～～
皓皓都好鍾意成套波衫一齊著。。。。。
唔知佢係咪幻想自己係綠茵場上既足球小將呢？


好！畀大家睇吓皓皓既踢波英姿先～～

10月21日(星期日）


呢日例牌同皓皓去婆婆屋企，見時間尚早，去咗軒軒表哥仔屋企既會所玩，然後去踢波～～



响club house book咗1個鐘乒乓波，皓皓勁開心，係都要爭住打。。。。。
齋睇甫士好似幾有料喎。。。。。



打起上黎就雞手鴨腳咗啲～～

皓皓話，乒乓波唔係我強項嘛～～～
黎到草地，就係我既世界喇，hahaha～～

有姿勢，有實際架。。。。。

睇我帶波啦！有板有眼架！



呢日皓皓玩得好開心，之後仲好掛住呢個場，成日叫媽咪帶佢去呢度踢波～～～
好啦！皓皓，媽咪應承你，有時間就約舅父表哥仔佢哋黎玩啦！


同場加映～～食食食




＠水佬榮～～～花甲蟹煲打邊爐，勁正！





呢日同嫲嫲出街食飯，我哋又去食萍姐～～



媽咪最鍾意呢度啲生蝦，真係百吃不厭～～

23號，重陽節，爸爸冇假放，不過都出咗黎一陣陪我哋食lunch～～

冇頭緒食嘜好，結果又去咗我哋既飯堂。。。。。



壽司廣，yummy！



食完luch，爸爸番工，媽咪就同皓皓响CWB行陣，買埋大閘蟹番屋企夜晚食～～ 



好正，不過唔食得太多，所以冇咗以前咁食得咁密喇～～

唔記得邊一日，去咗金滿庭嘆蟹粉小籠包～～

平時同皓皓食sushi多數去板長，呢日改為去千兩～～



爸爸話啲sushi ok過板長喎。。。。。

鴻星大閘蟹宴～～
本應唔想食得咁密，不過因為成班friend約埋，冇理由掃興唔去架嘛。。。。。
啲蟹都可以既，不過比起我哋自己响老三陽買嗰啲，真係差好遠～～

 

呢日爸爸要留响屋企睇波，所以冇出街，買嘢响屋企打邊爐～～

而家愛上'刨'粟米既皓皓，都食到大半條架～～