11月8日(星期四)
幼稚園每年都會安排兩次觀課日(上下學期各1次),畀家長去睇吓小朋友响學校既學習情況。。。。。
之前同皓皓講,話老師邀請爸爸媽咪去學校睇佢上堂,點知皓皓話:不如你哋唔好嚟啦!
其實佢唔係唔想爸爸媽咪去幼稚園,只不過係有啲怕醜啫,又或者。。。。。。
驚爸爸媽咪對班主任郭老師講佢啲曳曳嘢啩,哈哈~~
幼稚園每年都會安排兩次觀課日(上下學期各1次),畀家長去睇吓小朋友响學校既學習情況。。。。。
之前同皓皓講,話老師邀請爸爸媽咪去學校睇佢上堂,點知皓皓話:不如你哋唔好嚟啦!
其實佢唔係唔想爸爸媽咪去幼稚園,只不過係有啲怕醜啫,又或者。。。。。。
驚爸爸媽咪對班主任郭老師講佢啲曳曳嘢啩,哈哈~~
入到課室,已經見到大大個牌寫住'請勿拍攝',
加上見班主任開聲制止一個家長影相,咁媽咪當然要守規矩啦!
後尾出咗課室上外籍老師既英文堂,個感覺當堂free晒,個個家長即刻拎晒手機出嚟。。。。。
媽咪都唔執輸,影番夠本先~~
外籍miss同小朋友重溫番唔同形狀既英文,小朋友都好留心喎。。。。
究竟皓皓聽唔聽得明呢?
講解過後,就叫小朋友自己去砌形狀。。。。
而老師就逐個逐個埋去問佢哋唔同形狀既英文~~
皓皓只係記得circle同triangle,square就唔係太記得,要老師提示個's'音,佢先識得讀。
唔知係咪皓皓比較文靜,媽咪見外籍老師好鍾意嗌Issac,Issac。。。。。
不過阿Issac依然唔多騷佢,真係冇晒符~~
認完形狀,老師就叫大家坐番埋位,一齊唱吓歌仔。。。。
做吓動作。。。。。
跟住排隊番課室繼續上堂,而家長就去參加分享會。。。。
放學之後,同皓皓去食麥當當~~
好耐冇食麥當當既皓皓勁開心,雖然。。。。冇佢最鍾意既薯條~~
觀課完畢,感覺上,今年既班主任郭老師比較嚴,但係嚴得嚟對小朋友好有耐性同愛心,
上堂既時候會經常引導小朋友自己去思考問題,唔錯呀!
不過,媽咪見個個小朋友爭住舉手答問題既時候,皓皓依然故我,識答都唔會舉手,cool爆~~
下學期既觀課日,媽咪希望睇到皓皓你可以主動少少啦!
11月11日(星期日)
呢日我哋又約咗表哥表姐去柏景灣既平台公園玩,然後去空地踢波,之後又行過去迷宮嗰邊,真真正正遊咗成個圈花園呀~~
@平台公園~~
兩老表鬥喪跑~~
玩完公園,移師過空地嗰邊,做嘜?
當然係玩皓皓至愛既踢波啦!
兩老表玩守龍門~~
玩到咁上下,又穿過網球場行過去迷宮花園嗰邊。。。。。
遊完花園,要坐低飲啖水抖抖~~
再折返空地玩。。。。。
大人已經行到超攰,但幾個小朋友依然精力旺盛。。。。
仲玩到碌晒地添!
超搞笑,軒軒表哥無端端話要做熱身運動,皓皓一於死跟,表哥做嘜佢就做嘜。。。。
之但係一個做到面露痛苦之情,一個做到笑騎騎,相映成趣~~
是日靚相:4老表遊花園合照~~
沒有留言:
張貼留言