11月24日(星期六)
今年係我哋第一次參加學校旅行，上年皓皓唔想去，今年一聽到旅行兩個字就有啲雀躍，唔知係咪因為今年同同學仔熟咗啲呢？
今次去旅行，令媽咪不期然想當年。。。。。諗番讀書時代去旅行，嗰陣時婆婆一定會晨咁早起身幫我哋準備火腿蛋三文治，幫我哋買定啲紙包飲品。。。。去到旅行目的地，見到同學仔咁多零食，又有零用錢買嘢，都幾羨慕人哋；不過而家諗番，其實自己都不知幾幸福，有愛心三文治食，同埋呢，婆婆煎既蛋，半生熟，漏晒蛋汁，真係超超超好味～～～
講番今次旅行，目的地係錦田俱樂部，皓皓之前已經黎過兩次，兩次都玩得好happy，今次有埋同學仔一齊玩，更加good啦！
九點鐘响中環集合，好早呀！
呢次旅行係自由參與既，初時以為唔係太多人參加，原來都幾多同學仔有去～～
坐一個鐘左右旅遊巴就喇～～
玩怕醜草。。。。。細膽既皓皓唔敢用手掂，用枝棍仔撩吓撩吓～～
呢條原來係有近三百年歷史既石橋，叫'便母橋'～～
相傳係一個孝子為方便同阿媽見面，花咗6年時間建成既。。。。
一隻竹蜻蜓已經令佢哋興奮莫名～～
上次去大尾督，皓皓好想學人放風箏，今次終於可以一償心願～～
可惜。。。。。隻風箏飛極都飛唔起～～～
之前落過雨，搞到張彈床好污糟。。。。不過班小朋友有理冇理，衝晒上去跳～～
分級玩集體遊戲～～
最容易handle既遊戲：傳樹葉～～
音樂停，手持樹葉既小朋友就要出去唱歌仔～～
不過唔駛出去既小朋友都會一齊唱一齊做動作～～
皓皓好投入呀～～
又扭腰又踏步。。。。
唱'天天做運動'，仲壓晒腿添！
第二個遊戲係'收賣佬'，媽咪就覺得似家長玩多啲囉，啲家長玩得勁開心。。。。
第三個遊戲就係'大風吹'，皓皓最鍾意就係呢個game，不過佢勁搞笑，成日行出去兜個圈，又走番去原位，haha～～
上年皓皓勁like既女同學思衡，今年調咗去上晝班～～
皓皓見到佢好開心，不過又有啲怕醜。。。。
同同學仔分享帶嚟既零食～～
lunch time～～不過啲嘢食都幾難食。。。。
士多啤梨未當造，冇得摘～～
全日最開心就係坐呢架自動卡通車，不過收費都幾貴，50蚊坐一次～～
見到有自動車坐，又要玩。。。。
同學仔綽芝～～
有隻羊羊放咗出嚟食草，皓皓唔敢走過去～～
旅行完，我哋去咗奧海城～～
皆因要接埋心心表姐一齊番我哋屋企～～
呢日皓皓玩得太盡興喇，搭車番屋企途中已經頂唔順瞓著咗lu～～
11月28日(星期三)
呢日又有學校活動。。。。。今次係親子運動會！好彩媽咪今年調咗部門，攞假比較易，所以呢日都請咗半日假同爸爸一齊去學校～～
話就話運動會，不過唔係响運動場，而係响學校搞～～
開始前先做熱身運動～～
聽老師講解比賽規則。。。。
分組比賽，其中一項係小朋友拋波，家長接波～～
公佈結果～～
我哋係綠組。。。。。包尾呀～～
不過小朋友全情投入，盡晒力去比賽，其實個個都好叻～～
頒獎～～貼紙仔一張！
小朋友已經好開心。。。。睇佢哋既眼神表情就知喇！
皓皓既第一個獎牌，wakaka！
放學之後，我哋去咗奧海城買啲下午茶，然後上咗婆婆屋企玩～～
沒有留言:
張貼留言