聖誕特輯@harbour city+同學仔b-day party

 

 

 

 

11月12日(星期一)


呢日係幼稚園既教師發展日，皓皓放假，所以媽咪都攞咗半日假陪皓皓～～

不過諗唔到有嘜地方好去，最後只係去尖沙咀逛逛。。。。。



媽咪放1點，出到尖沙咀都成兩點，先嚟個遲來的lunch～～



跟住過海港城shopping～～



响海運嗰邊已經佈置晒聖誕裝飾～～



今年既裝飾以馬仔，鹿仔，免仔為主題。。。。。



唔知係咪晏晝既關係呢。。。。。媽咪覺得個佈置好麻麻～～



前幾年都有周圍去影聖誕裝飾，不過今年應該去唔到太多地方影喇～～
事關。。。。我哋聖誕假會去旅行呀。。。。。



之後去咗旺角行，經過Bossini見有angry bird產品，就入去睇吓有冇嘢啱～～




買夠某個金額，可以免費扭一次蛋。。。。。。
個扭蛋機好巨型架呢～～



皓皓抽到佢最鍾意嗰隻呀，yeah！



响街頭見到有人扭波波，皓皓又話要。。。。。
扭完波波，我哋去咗影貼紙相。。。。。



好耐冇影喇。。。。。。我們這一家－－第三張貼紙相！


11月18日(星期日)


呢日係同學仔Hugo既生日會。。。。。講起上嚟，皓皓第一次參加同學仔生日會咋！點解？因為皓皓太有主見，K1時候都有同學仔搞生日會，但係皓皓係都話唔去，媽咪之前都講過某啲事情可以畀佢話事既就畀佢自己決定，唔想迫佢，所以之前都冇參加過生日會。。。。。。本來有一次皓皓應承去既，嗰次係一個女同學生日，皓皓聽到媽咪講個女同學名，就即刻話去。。。。皓皓對女仔果然係唔同啲呀吓～～～不過嗰日話都冇咁啱，皓皓竟然唔舒服，所以最終都冇去到。

今次同學仔Hugo生日會，皓皓都好三心兩意架，一時話去，一時話唔去。。。。到觀課嗰日，媽咪見到Hugo媽媽，就同皓皓講，要決定喇，去唔去都要同Hugo媽咪講，同埋講咗就唔變架喇。。。。。皓皓諗咗幾秒講，就話：咁去啦！你買禮物畀Hugo，要買多一份禮物畀我喎！Wakakaka～～～

去到生日會，就見到成枱小禮物畀小朋友攞嚟玩～～

再出室外，嘩。。。。皓皓雙眼發亮，竟然有個跳彈床呀！

即時嘢都唔食，入去跳番夠本先～～

有個姐姐用波波扭咗把劍，仲送咗畀皓皓～～

同同學仔玩得好開心，仲攞住把劍鬥高添！



三劍俠？？？

後尾見到人哋可以排隊要求姐姐扭，於是佢又拉媽咪去排～～～



扭完。。。。靚唔靚先？

見個個男孩子都渣住枝搶，佢又唔執輸－－－一手渣劍，一手渣槍。。。。

玩到咁上下，當然要拉佢出彈床食啲嘢啦！

切蛋糕時間到～～～

點完蠟燭，皓皓個樣有啲古惑。。。。。

又瞄吓主角。。。。。究竟想點？？

之唔係想吹蠟燭囉！雖然知道己唔係主角，但最後佢都忍唔住吹咗下，HAHA～～

經過呢日，皓皓好似愛上咗參加生日會喎，
仲話自己生日嗰陣都想開喎。。。。。都唔知係咪真既～～