親子賣旗日2012

10月27日(星期六)

同往年一樣，今年媽咪都同皓皓參加咗親子賣旗～～

報名既時候，媽咪問皓皓想唔想幫助有需要既人，去唔去幫手賣旗，皓皓諗都唔諗就應承咗，原來。。。。。佢仲記得上年自己賣過旗！不過佢就事先講明，佢負責搣旗仔貼紙，媽咪要負責開口叫人賣旗。呢隻豬仔，仲係咁怕醜，哈哈！

皓皓而家大個仔，開始有自己既主見，所以有時媽咪都會徵詢佢既意向，盡可能既都唔想迫佢做唔鍾意既事；加上賣旗係善舉，媽咪當然想皓皓係自願參加啦，所以就問佢意見。。。。。又好似前排，媽咪想同皓皓一齊參加麥當當既慈善親子馬拉松，媽咪都有問皓皓，不過呢一次，皓皓就拒絕咗，媽咪解釋完一輪，佢都堅持話唔參加，咁就算囉！係有少少可惜，但係無謂迫佢啦！




呢日嫲嫲唔知皓皓要著運動衫，拎咗夏季嗰套去洗，好彩天氣都幾涼，可以畀皓皓著冬季呢套～～

 

影幾張相，就出發去賣旗喇。。。。。

爸爸就係第一個幫襯既善長人翁，haha～～

行去搭車途中，叫一班姐姐買旗，皓皓怕醜到痺，淨係幫手貼旗仔，唔肯開口。。。。。

跟住搭車過海怡賣。。。。。
呢日賣旗都幾好成績，因為好多人都樂意做善事，有啲仲會自己行埋黎入錢添！
皓皓全程幫手搣旗仔，好多ee叔叔姐姐讚佢乖同叻叻，有啲又讚佢眼眉毛長，讚佢靚仔，
有好幾個仲話見到佢要專登走過黎買枝旗仔。。。。。。
其實親子賣旗真係幾好，皆因大部份人都唔會拒絕小朋友嘛！

賣到十一點幾，就去中環交旗袋～～



大會即場送紀念品～～






感謝狀～～

交完旗袋，我哋行咗過去西港城食lunch～～

啲嘢食都ok，媽咪同爸爸都會耐唔耐黎食嘢。。。。

朝早賣旗都冇嘜食過嘢，皓皓應該好肚餓，食咗成碗蕃茄意粉～～




皓皓好鍾意呢隻公仔，次次黎到都要同佢影相 ^0^ ～～