你的笑容讓我心足

十月二十六日(星期一)

今日係媽咪最後第三日假期喇！去咗邊豎玩？就係軒軒表哥仔住既屋苑既平台公園喇！可能係响屋企瞓完一覺先出黎既緣故啦，呢日我精力旺盛，真係玩得超開心呀！

出發喇～～

坐响人哋鋪頭門口張pooh pooh 摺椅上唔願走。

好少可同詩詩表姐咁有默契喎～～眼神咁一致！

到咗平台公園喇～～

呢度有好多我鍾意既水池呀！

又係喪跑既時候．．．．

幾驚上面個姐姐跳落黎會踩親阿b呀！

明明唔夠高都要同個姐姐爭住玩．．．

大個仔咗，開始唔係咁鍾意坐搖搖馬！

而家鍾意周圍跑、周圍爬、周圍攪攪震．．．

自己屋企部Thomas車就唔係咁吼，

但係對人哋啲單車就極有興趣。

好彩舅父將軒軒表哥既巴斯單車搬咗落公園。。。

不斷推住架單車轉圈。。。。

（阿b你究竟想點呀？）

古古惑惑咁裝企响滑梯上面既媽咪。

哈哈，舅父又攞咗對球拍落黎。。。

黎啦！開波喇！

哎呀！失手添！

波波，快啲起身。。。。

起身啦，再黎過呀！

弊！今次仲衰！連球拍都飛埋出去。。。

唔掂，飲包奶奶，抖一抖再玩。。。。

我諗羽毛球唔係好啱我，都係足球好啲。。。

但係阿b你好似姐手姐腳喎？？

嗱！呢吓腳法就有朗尼既風範喇！

（魔鬼教練出馬果然係唔同啲）

'sir'滑梯，仲未太敢喎！

７豬丈唯有再次出馬。。。。

將阿b放响滑梯既中間開始'sir'落黎。

記得對上一次黎呢個公園，阿b仲未識行，好多嘢都未敢玩未識玩。。。。今次黎已經跑得好快，媽咪追到氣咳，攰爆！但係見到阿b開心既笑靨，媽咪真係覺得好心滿意足，就算响個公園度跑到好似成個傻婆咁都係值得既！

山頂，等等我哋啦！

10月25日(星期日)

今日係媽咪第二日既假期，原本媽咪諗住應吓節，帶我搭纜車上山頂登高。點知去到纜車站，見到好多人排緊隊，問個職員咁既人龍應該第幾架車先上到？佢話應該要第4-5架；再問佢隔幾耐一班車，佢話要8-15分鐘嘩！咁咪要等成粒鐘？都係算罷啦！

呢朝一起身媽咪就同我落商場食早餐。

唓～～媽咪你行咁快唔等人架．．．．

點解？點解？點解要我用杯食通心粉？

媽咪，我俾坐我對面個人笑喇！尷尬屎人喇！

要求坐商場既車仔既時間越黎越少．．．．

莫非開始厭倦？？

香港公園門口～～

自從游過水之後，對水池有超大既興趣。

同心心＆詩詩表姐合照～～

踩樹葉～～

忘形～～

叫極都唔應．．．．

阿b响度跑呀、踩葉呀，我哋五個就成個傻婆咁望住佢笑。

（傻婆包括：入咗鏡既心心＆詩詩表姐，同冇入鏡既媽咪、芬姨＆英姨媽）

阿b＆心心表姐～～

咩事手指指呀，阿b？

咪因為見到池入面啲魚呀、龜呀，所以興奮囉！

黎到種蓮花既區域，阿b做咗個'冇'既手勢，何解？

係咪因為見到呢度冇晒啲魚同龜呢？

好靚既漣漪呀！不禁令媽咪諗起「龍咁威」既鄭中基：

生活淡淡似是流水．．．

（個表情超樣衰）

＠兒童遊樂場～～

好耐冇玩過鞦韆喇．．．

有啲疑惑～～

唔敢盪咁高～～

輕輕力咁搖呀搖．．．．

舒服到阿b差啲瞓著。

（唔係講笑，真架！）

玩完公園，俾等纜車既人流嚇怕．．．．

唯有去心心表姐屋企hea吓，

等到爸爸放工就出灣仔海都拆蟹，正！

今日既假期咁就完咗喇！

山頂？等等我哋啦！

下次等埋爸爸放假我哋一定會再黎！