十月十八日(星期日)
尋日冇同阿b去街街,今日點都要陪佢出去玩吓!朝頭早,我哋先去M記嘆個早餐,然後响商場玩吓扭蛋、坐吓車仔。。。。
你哋睇皓皓bb個食相就知佢係一隻餵食豬啦!
食完包包,再食薯餅。。。。
飲埋包Qoo~~大滿足呀!
去到商場一定要搞吓啲扭蛋機。。。。
再坐吓車仔至肯走。
沿路有好多花花草草,阿b最鍾意指住啲花講'flower',
不過至弊係....
指住棵樹又嗌flower',或者嗌'bird bird'
(應該係因為佢覺得樹上面一定有'bird bird')
返到屋企洗白白再瞓一覺,然後就去公公婆婆度喇!今日難得唔駛陪公公打麻雀,就諗住帶埋心心表姐搵個地方玩吓。去邊度好呢?最後媽咪決定再戰playtown。。。其實好大原因係媽咪覺得心心表姐會好鍾意玩,所以就好囉!講真,媽咪真係好錫心心表姐架。。。。
又係阿b最鍾意既波波。。。。
同心心表姐影張合照先啦!
呢個心心表姐,玩起上黎一啲儀態都唔顧架!
呢個場其實係俾人射波波既,但係阿b仲未識玩。。。
不過佢响槍林彈雨之下執波波都自得其樂喎!
玩車車都冇嘜表情?皆因阿b今日唔知點解好眼瞓。。。。
直到有維他奶飲,個樣先至好似精神番。。。
對眼都突然精靈番啲啲。。。。
仲有啲笑容添!食物對阿b既魔力真係大!
心心表姐最近愛射籃,見佢都入到好多球,唔錯噃!
希望佢入校隊既心願可以達成啦!
阿b爬黎爬去,好想跟住心心表姐。。。。
但係心心表姐既身手咁矯捷,阿b,你同追風係冇分別架~~
根本就冇可能!
你追唔到表姐之餘,難委媽咪同芬姨要追住你呀!
心心表姐終於肯坐定定陪阿b玩喇!
你哋睇阿b幾興奮!表姐,阿b等呢一刻真係望穿秋水呀!
仲笑到眼都唔見埋。。。。
但係就清楚見到佢好似公仔一樣既超長眼睫毛。
呢個係成日俾人激讚既身體部分之一呀!
不過。。。聽講。。。。
眼睫毛越長係代表越懶惰喎!
唔怪得阿b你成日唔肯行要媽咪抱啦!
沒有留言:
張貼留言