大肚dum蜘蛛仔

10月10日(Part 2)

上次講到我哋去奧海城走第二場，咁第三場究竟去邊呢？就係陪心心表姐去又一城學琴喇！表姐學琴期間，爸爸媽咪就同阿b去玩具反斗城睇吓Halloween啲嘢。上年Halloween阿b扮小魔鬼，今年扮嘜好呢？

登．登．登．登．．．

就係扮大肚dum蜘蛛喇！

初初著好抗拒，係都要除落黎．．．．

危急之際，好彩搵到樣令佢眼前一亮既嘢．．．．

究竟係嘜？

就係呢枝嘢喇！你哋睇阿b幾興奮！

係咁fing係咁fing，為免遭殃，方圓百里都冇人敢埋佢身！

似乎一枝已經滿足唔到阿b．．．．

拎多一枝出黎．．．．

耍雙鎗．．．姨媽响後面淨係掛住笑唔走避。

嗱！劈親你與人無尤呀！

咦？唔fing喇喎！咁攪咩呢？

呢個手勢好熟喎！

唔駛問緊係學緊人拖地掃地啦！

（其實阿b响屋企已經成日攞條吸管扮吸塵架喇）

拖拖吓地，突然眼前一黑．．．．

又係爸爸响度整鬼阿b！

俾人打擾拖地既雅興，難得阿b若無其事．．．．

自己除咗副超就算．．．．

但係爸爸邊肯就咁罷休？

趁阿b玩得興起，又黎！

又係除咗就算，冇發難喎！

唔通阿b既 EQ 高咗？

再試吓先！

笠件Thomas落去～～冇發脾四！

臨走再笠頂帽，都冇發脾四。

結論：唔關EQ事，而係今日心情真係超級靚！

原本入去反斗城諗住買件Halloween衫，點知可以咁樣玩一大輪。芬姨話：唔駛買啦！都影咗相咯．．．．又係喎！慳番一筆

番屋企又忍唔住睇番上年Halloween阿b扮小魔鬼既相，覺得佢真係大個仔咗好多呀！

好掛住呢個bb樣呀！

跟住响心心表姐學琴既琴行，阿b再度發揮佢攪攪震，冇幫襯既本色．．．．

响間琴行度不停兜圈、不停摸；不停兜圈、不停摸．．．．

等到心心表姐學完琴，我哋就轉場去銅鑼灣買大閘蟹，然後返屋企開餐lu！

Ha！今日走咗4場，番到屋企，阿b攰到好快就瞓著覺喇！