小巫師look

十月十七日(星期六)

呢個禮拜媽咪覺得好攰，所以唔好意思呀，阿b，媽咪今日成日都冇同你出街玩，淨係等爸爸收工之後出咗金鐘既Great買壽司食．．．．媽咪應承你，聽日同你去玩補番數，好唔好？

雖然今日冇嘜出街，但係都可以幫阿b影咗幾張好可愛既小巫師相，真係開心！

今日大半日都响屋企，不過阿b不愁寂寞喎．．．．

睇吓！玩拖地都玩一餐．．．．

阿b，到你真係識拖地嗰陣，唔知你仲會唔會鍾意拖呢？

同panda又玩到好開心，仲好肉緊咁'呵'佢添！

見媽咪擺隻pooh pooh响個頭度，佢又要擺．．．．

仲笑到'卡卡'聲，連好少暴光既4隻牙仔都露埋出黎！

等到爸爸放工，就起行出太古廣場買嘢食．．．．

踩過幾次單車，阿b對呢樣嘢好似非常有好感。

阿b，你做咩啲眼神咁古惑既？

咁多生果，阿b會揀邊樣呢？

答案顯而易見．．．．

爸爸去揀壽司，阿b就周圍跑！

哈！呢度有好多Halloween既嘢賣呀！

攞住枝枒叉，勁開心！

又要求媽咪攞多枝俾佢．．．．

拎住兩枝叉响地下狂掃，好在當時冇嘜人，如果唔係都唔可以咁樣玩！

阿b : 點解後面個公仔冇眼耳口鼻咁恐怖既？

又抽住兩個南瓜籃周圍騰．．．．

喂！阿b，雖然扮小巫師，但係個樣唔駛cool成咁喎！

媽咪有媽咪响度嗌(嗌阿b望鏡頭)

阿b有阿b自己响度行黎行去(唔望你唔理你)

完完全全可以扮聽唔到

阿b，你駛唔駛咁有性格呀？