1881 Heritage

十月十日(星期六)～～Part 1

禮拜六、日係媽咪最happy既日子，因為放假又可以陪住皓皓bb。但係今日媽咪要番去公司開會，真係慘！好彩半晝咋！開完會，媽咪就即刻出尖沙咀會合爸爸同阿b。雖然今日得番半日時間，但係我哋都走咗好多個場。。。。

第一個目的地~~尖沙咀壽司廣。

街邊有鋪頭派波波，阿b勁鍾意！

訂咗位又未夠鐘，就响楝商廈大堂玩一陣先啦！

食飽嘢就响附近行吓．．．．

呢度名店林立，環境仲好幽雅．．．．

後尾先至知1881 Heritage原來就係前水警總部．．．．

係法定古績黎架！

阿b居高臨下，見到爸爸响地下同佢影相，興奮到不得了！

仲不斷同爸爸揮手添！

後面係紅磚古屋，好有懷舊風味呀！

阿b指住度門，示意叫媽咪幫手開．．．．

跟住又攤開隻手仔，意思係冇鎖匙，開唔到．．．．

媽咪唔係亂咁翻譯架，阿b真係咁既意思！

全神貫注，究竟响度做緊嘜？

睇真啲，原來踩緊樹葉．．．．

淨係玩塊樹葉都玩咗一餐

後面成幅牆都有流水，不過影得唔清楚。

見到花花，又好興奮．．．．

逐盤花逐盤花咁摸．．．．

仲想做採花賊．．．．即刻俾媽咪阻止咗啦！

上到最頂嗰層，原來係一個偌大既花園．．．．

亦係俾細路仔喪跑既好地方．．．．

仲可以望到太空館、海港．．．．真係幾舒服！

阿b一歲零三個幾月先開始戰戰兢兢咁學開步，而家歲半終於學人喪跑。

不過都仲係跑得唔係好穩陣，成日就跌就跌咁．．．．

走喇！要去下一場喇！

臨走穿過室內既商場，條走廊天花掛滿吊扇！

阿b又再次亢奮，响條走廊度來回喪跑！

第二個目的地就係奧海城。

會合心心詩詩表姐玩冒險樂園！

見到表姐响波波池玩到喪顛，呆咗

阿b，你未夠高度入波波池玩，玩住籃球先啦！

又玩得ok開心喎！

下一場去邊？

待續．．．．