阿b很喜歡媽媽,也愛黏著嫲嫲,至於爸爸呢?
不能說他不喜歡,因為每天早上,他也會親親仍在熟睡的爸爸
說他很喜歡嗎?又似乎談不上
每當爸爸熱情如火地將面龐貼近他時
他總愛推開爸爸
有時想,阿b有此舉動,也不無原因
比如說,阿b想和爸爸玩,爸爸卻只顧望著電腦和魚缸
阿b在自得其樂時,爸爸偏愛打擾他、作弄他
媽媽說得對不對,阿b?
某天,阿b正玩得興高采烈
爸爸無所事事,走過去緊緊抱著他,令他動彈不得
阿b大力掙扎、高聲呼叫,但也擺脫不到爸爸的「魔掌」
媽媽看在眼裏,覺得這個畫面相當有趣--
突然靈光一閃,何不在這時侯拯拯英雄?
說著「媽媽來救你」,便從爸爸掌心裏一把抱起阿b,然後說「爸爸曳曳」
阿b立即破涕為笑,用小手攬著媽媽,口裏在「咿咿呀呀」
大概是跟媽媽一起駡爸爸吧
當一切回復平靜,阿b在地上玩耍的時侯,爸爸興致又來了
如是者,又是由媽媽拯救阿b
今次阿b像撒嬌的把面兒貼著媽媽面龐,良久不放
貪玩的爸爸問媽媽:不知道我這樣子對你,阿b有何反應?
同樣貪玩的媽媽當然樂於奉陪
過一陣子,趁阿b玩得入神之際
爸爸用兩手箍著媽媽,媽媽也「交足戲」,假裝掙扎、痛苦模樣
大叫「哎呀!好痛呀!阿b救我呀」
阿b究竟有何反應?
立即放下手上的玩具,緊張兮兮地爬過來,一雙小手用力地扯開爸爸的手
最可笑的是,他一邊行動,一邊駡爸爸「曳曳、曳曳...」
此時爸爸已笑彎了腰,一放開手
阿b緊緊攬著媽媽,生怕媽媽再被爸爸欺負般...
爸爸心有不甘,因為他一整天當了壞人,媽媽就只當好人
他提議轉換角色
結果是,任由他叫得再淒厲,阿b只冷冷瞥他一眼....
無動於衷
阿b,多謝你
多謝你那麼著緊媽媽
也多謝你帶給爸爸媽媽那麼多歡樂
你的童真,令媽媽心裏多了一次很美好的回憶
這點童真,彌足珍貴,因為它會隨時間的洗刷而逐漸消逝
後記:阿b成長紀錄
十三個月零三個禮拜既阿b,終於耐唔耐敢甩手開步,行幾步咁多啦,慌死跌親,我一早都話阿b係穩陣派
仲有,而家開始標緊第二隻下門牙出黎,上門牙都有生既跡象,阿b,你未有牙仔已經狂食嘢、嘜都食一餐,咁。。。。有埋牙仔咪好唔掂?
哈哈!英雄救美!!!!
回覆刪除[版主回覆07/25/2009 11:41:00]hahaha !我都想阿b係英雄我係美
呀b好得意呀 哈哈 下次我又玩下 睇呀b會唔會save me先
回覆刪除[版主回覆07/25/2009 11:39:00]你咪試囉,不過唔好抱太大期望喎 !你見啦,佢連爸爸都唔救!
阿 B,
回覆刪除其實我都唔明 !
點解你會鍾意俾我抱抱 ?
上星期六連你個 "英雄救美" 的美人媽咪都可以唔要,
搭 Van 仔走時都要搵我 ........ !
莫非 ..... 我似 ....... 奶 .. 媽 ?
[版主回覆07/28/2009 22:45:00]話時話,阿b睇到朱咪咪個廣告會笑架,但係橫睇掂睇,你都唔似朱咪咪呃!
睇黎阿B真係鍚媽咪多D噃,見佢黎 救你,真係冧晒啦!
回覆刪除[版主回覆07/28/2009 22:43:00]係呀,冧到爆
哈~好搞笑,,可能到時我個仔都系咁XD
回覆刪除[版主回覆07/28/2009 22:42:00]小b睇黎都係鍾意媽咪多啲